近期個人比較懶散，好多野好想打BLOG分享，點知打打吓就留咗草稿冇出到，呢篇blog拖拉咗成半年終於要見吓人啦~~~ 之前幫朋友湊小朋友讓朋友可以專心湊中間的孩子去處理準備入幼稚園的事，星期六的晚上準備湊朋友的大和小女兒準備去鐵路站「交人」，在路上昕昕為了追上朋友的大女兒而不小心跌傷，原來昕昕不小心被渠蓋絆倒，見到佢的傷真係心都痛埋~~~   帶昕昕返到屋企第一時間就幫佢的傷口進行基本的傷口護理－>洗傷口和貼敷料，由於當時沒有大塊的敷料貼，我便先用紗布敷料貼上並用繃帶進行簡單包紮~~~     繃帶包紮後的昕昕還要乖乖的溫英文默書(￣▽￣)     每日早晚清潔傷口應該是常識吧？但昕昕的傷口超過24小時仍有滲水的情況，加上佢本身的磨薑式傷痕不知如何處理才算是最好，所以我就在星期一的放學後帶昕昕到政府診所洗傷口~~~     原來去政府診所洗傷口都係跟睇醫生一樣要打電話預約（急症室個人認為不太需要，所以去普通科門診），好彩一打去有位在下午四點半睇，我帶昕昕午餐後去圖書館做一陣功課和借書後去診所。   當昕昕見醫生時醫生話昕昕的傷口護理算做得好靚仲誤以為我係護士（其實我只係得成人急救証書牌而已）   拎咗紙去等到大概六點先至洗傷口，在護士幫昕昕清洗傷口時認識咗人工皮（對我來講係長知識了），原來擦傷可以貼人工皮令傷口可以快d好，以下係我在網上搵到的簡介：   https://www.nexcare.com.hk/3M/zh_HK/nexcare-hk/products/hydrocolloid/   護士表示短時間內不用換敷料，傷口貼的敷料唔好洗濕，最好抹身沖涼，所以我們就用保鮮紙包住沖涼，要照顧呢個小小的傷者真的不容易~~~     本身加的防水貼經過一夜的被窩纏綿後都開始甩甩地~~~   護士好奇點解冇第一時間睇急症，其實係因為昕昕跌傷時已經接近晚上11點，我本身識急救加上屋企有足夠物料進行基本護理，如果唔係傷口超過24小時仍有滲水，我真的不會帶昕昕睇醫生（昕昕不是第一次擦傷，所以我一直買定急救用品在家） 昕昕在第二個星期一要再去見護士洗傷口，政府診所第一次睇醫生俾$50，之後直接洗傷口每次$19。 過了一星期傷口復原了不少，由於雙膝的傷口仍見一點嫩紅，所以再貼人工皮一星期~~~   半年已經過去咗，昕昕的腳已經冇傷痕，我就冇影相記錄~~~   小朋友天生好動，自己總會買定一些處理傷口用品，以下圖片就係我買來放在家中看門口用的產品~~~   棉花球除咗可以當化妝棉和幫初生BB洗面外，在處理傷口方面都有少少幫助~~~   以下係圖片的產品僅供參考，大家可按個人需要買回家備用~~~     以下是澳洲一個有關醫療的網站內容，介紹有關傷口處理的方法，記得不要在傷口上塗上任何藥膏，因為大家不知道會否引起細菌入侵而發炎，如果嚴重最好搵醫生處理~~~   https://aci.health.nsw.gov.au/__data/assets/pdf_file/0009/286875/CHINESE.TRADITIONAL_Skin_Cuts_and_Scrapes_Patient_Factsheet.pdf   自己在初中時因為參加女童軍而學會簡單的急救知識，到了上大專時就參加成人急救班，過了數個三年又三年的續牌，為的就是有一技旁身，還記得在一間小學工作時幫過不同的學生進行擦傷和流鼻血的處理。   現在當媽就覺得學會急救的重要，希望各位媽媽都可以抽時間學簡單的急救知識，避免用錯誤的方法，曾經在上班的路上見到有對步行去上課的母子，孩子流鼻血時頭向後仰而不是向前傾，我只是趕時間，無奈地提了句頭要向前傾就衝上月台搭車~~~   生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=w=     我的網誌~~~ Google blog theztyle blog Mybb.com blog She blog (New)     She blog (Old) WOW Blog WeShare 媽咪幫mamibuy (駐站部將客) U Blog Bkmilk blog   我的飲食分享：     如有任何Blogger活動邀請或試用，可以聯絡我的電郵：     mandylau55@gmail.com