呢段時間，全世界都停止咗搭飛機去旅行…   除咗去酒店Staycation之外，仲有咩方法可以尋求旅行感?...   最近，我哋就帶咗和牛B去九龍一間餐廳食嘢。       呢到好似去咗機場，離境上飛機，食飛機餐咁~~     和牛B一去到超級開心呀!!  因為，真係好似上咗飛機，準備去旅行咁呀!!       除咗飛機位之外，餐廳仲有其他座位。     空姐嘅送餐車呀~~   ^ 見到呢個牆貼，更加好想去旅行...   ^ 店內同飛機有關嘅精品擺設   我哋係平日下午茶時間去，餐廳幾乎冇人，包機 (哈)。 大家出發之前，記得預早打電話訂台~     因為飛機位只有兩台，而且飛機位有最低消費，四人座位必須叫四個餐。   不過，店員見到妹妹咁細個，佢就俾我哋叫少一份餐。   不過，餐廳並非親子餐廳。所以餐廳內沒有兒童餐具、BB櫈。 如果小朋友比較細的話，可能會坐得比較唔舒服哦。   餐牌   食物質素整體唔錯呀~^^ 同真正嘅飛機餐相比，呢到嘅食物好食好多~ 豐富過真飛機餐好多添呀~   ^ 燒盲曹魚柳意粉   ^ 日式照燒豬肩配薯條   我哋落機啦~~到咗…九龍大角咀 (哈)     前往方法: 港鐵奧運站 B 出口, 步行約4分鐘 溫韾提示：如果駕車的話，比較唔方便。或者要泊去就近商場，因為餐廳外冇錶位。 另外，疫情期間，記得注意個人衛生習慣哦。   【The Galley by Cafe Proud Wings】 地址: 九龍大角咀嘉善街39號地舖 電話: 3590 3787 -------------------------------------------------- 歡迎聯絡我&和牛B: chungying56@hotmail.com MeWe專頁: https://mewe.com/p/和牛b的成長日記 Facebook專頁: 和牛B嘅成長專頁 Instagram: wagyubmami