**水泡裝飾玩具全部自備酒店唔會提供 話說呢間酒店房上年同爸爸既結婚周年就想book。 但係我地早半個月打電話問已經full左了！ 所以一直想搵機會黎住下， 因為房入邊露台有按摩池， 大人水深到腰小朋友可以當泳池咁遊水。 疫情關係真係好耐冇帶菠蘿包游水！ 就好想搵個冇其他游泳客既地方游水。 就係我生日爸爸就比左呢個驚喜！ 有迎賓生果。 房望到既海景 放緊水既時候菠蘿包急不及待想落水玩。 突然間有room service， 原來係爸爸訂左蛋糕呀！ 生日入住送一枝紅酒。 食完蛋糕水都未裝滿就落水啦！     玩到咁上下就去食免費下午茶， 雖然係免費但係都幾高質， 有炸餃子，芝士條，燒賣，蛋糕等等 基本上就全日喺房度玩水。 除咗食嘢之外就冇出過房啦！ 簡直係玩到夠皮！ 入住酒店送300蚊餐飲卷， 爸爸用300$餐飲卷訂左食自助餐， 未減價錢628$位再加一，三歲以下免費。 食完飯又番去玩水， 隔離左右都瞓晒覺我哋都繼續玩， 菠蘿包好嘈真係有啲唔好意思！ 夜晚個景都唔錯係完全唔捨得瞓覺！ 點解無房入邊既相呢？ 因為我地一黎到就好心就玩水啦！ 完全忘記咗整齊乾淨嗰陣影相！ 我地要左一張大床， 兩大一細訓都仲有好多空間。 朝早自助餐都幾豐富， 有中式西式。 諗住可以慢慢食早餐，菠蘿包哥係咁吹我地要快啲返房玩水。   順帶一提露台上邊係有帳篷， 如果落毛毛雨嘅話都可以繼續玩， 但落大雨就唔得啦因為無遮哂成個位！ 其實而家呀媽仲喺酒店坐咗喺按摩池到出文， 我同爸爸講如果每次出文都有得咁享受就好啦！ 酒店資料- 港島海逸君綽酒店 網頁- https://www.harbourgrand.com/hongkong/tc/ 房型- 專貴露台海景客房（呢個房比較特別要打電話/email訂房！） 可以要求酒店職員入住請開水先！黎到就可以即刻玩啦！如果鍾意自己放水就黎到開水兩個鐘先會滿水！其實爸爸係叫咗佢地開咗水先架，不過可能佢地太忙啦我地到都未滿水！ （成間酒店得七間房，聽職員講因為疫情嘅關係只開唔五房，所以成日都好full爸爸建議一，二個月前訂房啦！） 價錢- $2210一晚星期日入住星期一退房（包左10%稅） 包早餐，下午茶，餐前小食及送$300餐飲卷<～訂位嗰陣時記得問下仲有無！ 不過爸爸問咗好幾個星期日入住個價錢都可以唔同，有次誇張到係$2800一晚，價錢起跳都好大！ 總括來講都唔錯既，菠蘿包玩得好開心！酒店本身有免費延遲退房至三點，太多人入住啦無得免費延遲！所以我地多數結婚周年都會再黎住一晚！