[ 親子好去處] 平行時空 的街道+遊樂場+隱世沙灘 5/4/2021 我哋去咗一個 寧靜小島 ~ 馬灣 ，距離港鐵站只係15分鐘車程， 交通方便 ，而且冇長洲咁爆多人。 今次分咗上下半場玩，玩足一日，放哂小朋友嘅電。 上午，我哋去咗行山，今次真係簡易行山 ，來回唔使一小時。連小朋友都話好易行，因為佢哋平時行開都算多樓梯，路程又長。 段路大部份都係上斜石路或泥路，有些樓梯，但不多樓梯，沿路亦會時常見到 青馬大橋 ，而且景色開揚。   到達 隱世沙灘 ，但落去要踏過小石頭，年紀小嘅小朋友可能不宜落去，其他人記得要注意安全啊~但個隱世沙灘已經唔再隱世，超多人，而且好多垃圾。真係 自己垃圾自己帶走 !!之後沿路折返。 路線: 入口喺馬灣足球場旁，橋地右方有條泥路。 沿路直行至分义路，左邊係竹林，右邊上山，揀右邊行。 直至另一分义路，左邊落山去隱世沙灘，右邊上山。 我哋揀咗左邊落沙灘。 後記: 沿路有兩個位置有櫈供休息，沒有廁所。 但入口處附近足球場嘅隔離有個公廁。 康文署已經開放部份泳灘， 馬灣東灣泳灘 係其中一個，我哋係依個泳灘玩自家製 egg hunt 。 小朋友第一次喺泳灘玩egg hunt ，超興奮~ 上年因疫情，孖媽喺屋企同小朋友自己玩egg hunt。 可以睇返: 停課不停玩（小玩意：Egg Hunt） https://m.facebook.com/story.php?story_fbid=215246536575908&id=103297544437475 之後我哋去咗土耳其餐廳感受異國風情 。 我也可暢遊異國放心吃喝 食物質素很好，但店內面積較細，而且沒有high chair，唔算係一間親子餐廳，較適合倆口子去。 如果帶住小朋友，建議可以去 挪亞方舟酒店食，價錢合理，食物質素也不錯。 下午部份，我哋開始進入平行時空 。 我哋先去 石仔灣碼頭 看海，感受 漁村風情 。 順路行去 芳園書室 ，係馬灣唯一被保留嘅戰前小學，係香港三級歷史建築。 書室係一座樓高兩層嘅長方型建築，揉合中西建築風格。 現時書室只開放地下果層，展示馬灣嘅歷史，包括漁船模型及天后誕花炮等等，並且設有互動遊戲(但現在暫停開放此部份)。 門外有個小模型，展示屋頂設計。 小朋友對個模型好有興趣。 跟住去咗位於附近嘅 馬灣公園古蹟館 ，展出咗清朝古窰(製作陶瓷之用)同埋唐代窰爐遺跡。 讀萬卷書不如行萬里路~ 帶小朋友四出走走看看，除咗可以放電外，又可親身學到新知識。 走回芳園書室附近嘅鐵絲網圍欄嘅路，向前行，然後轉左行去 馬灣舊村 。即 馬灣大街 和 天后廟 附近。(跟指示牌行去天后廟就到) 滿街腳步突然靜了~ 滿天柏樹突然沒有動搖~ 一個荒廢了嘅村落 ，擁有200年歷史 ，充滿著平行時空之感，彷彿不存在這時代。 轉街過巷就如滑過浪潮~ 聽天說地仍然剩我心跳~ 聽芳園書室嘅職員講，村落會係復活節後清拆。但上網查又查不到資料。 不過當日已見到村屋已被圍住。 之前一直都好想去，慶幸可以係清拆前遊覽依個咁特別嘅地方! (如果大家去開馬灣，可以順道去看看清拆咗未)   村內嘅荒廢遊樂場，背後有些塗鴉背景嘅建築物，我哋好似去咗另一國度遊玩。 而 馬灣公眾碼頭 旁有個 真正嘅 隱世沙灘 ，冇乜人，小朋友堆堆沙，玩得非常開心。 今次依個平行時空之旅非常特別， 打卡 滿足大人嘅慾望 ，玩遊樂場和堆沙，小朋友最開心。 下次再嚟，依度可能已經被清拆咗。 其實馬灣真係一個好值得同小朋友嚟遊覽嘅地方，玩一日都未玩哂。(但記得要保持地方清潔同埋保持安靜，唔好影響居民啊) 上年我哋仲去咗 馬灣公園 ，有興趣可以睇返: [親子好去處]被遺忘的神秘花園 偽新加坡之旅 https://www.facebook.com/Miss.swanswan/posts/428097368624156 馬灣交通: 1)http://www.pitcl.com.hk/tc/bus_service.php (葵芳站的巴士站在新都會廣場和葵青劇院之間) 2) http://www.pitcl.com.hk/tc/ferry_service.php (聽聞荃灣渡輪已被取消，建議去前查詢) 3) 交通指南: http://www.mawanpark.com/static/chn/transportation.html (私家車沒許可證不得駛入) 可以係沙灘廣場站落，搭扶手電梯到地下，見到挪亞方舟酒店門口，向右轉，見到馬路，轉左直行。行一陣(右邊)便會見到馬灣公園和消防局，左邊就係足球場。   多謝您的讚好，不論文章或是專頁，作為一點動力，非常感謝您。 歡迎讚好專頁得到更多免費資訊 更快緊貼我們的最近動態 ~Facebook page: https://www.facebook.com/Miss.swanswan   ~Instagram: (更多孖寶和孖媽的生活趣事) https://www.instagram.com/little_twin_stars82 唔好錯過以下文章啊 其他創作文章(包括40+個好去處): https://www.facebook.com/Miss.swanswan/posts/341412797292614 #親子活動 #假日好去處 #kidslife, #hkmomlife, #hkblogger, #hkmum, #復活節好去處  #親子行山 #初級行山 #bb行山