【 親子商場 ｜無限放電 】 我哋都幾鍾意帶兩兄弟去荃灣愉景新城玩，親子商場黎講，設備都幾好，小朋友玩的都幾多選擇，又有玩具反斗城，冒險樂園，誠品兒童館等。   另外，育嬰室都幾多，其中一個育嬰室仲要勁大（係低層誠品書店入面），入面有齊獨立的哺乳室，多張換片枱，中間設有櫈可以方便家長餵BB食粥仔。   愉景新城仲有個室外遊樂場鯨魚花園，公園內有兩組滑梯設施，氹氹轉，攀爬遊戲，搖搖馬等，當中有隻大鯨魚造型的滑梯，好特別。因為防疫措施，公園每節玩完都會清場消毒，而且人流限制在16個大人和16個小朋友，一個大人跟一個小朋友入場，每日分兩個時段登記，額滿就無喇～～～   ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com