由於今年冇得去旅行，所以去咗幾個收費營地Camping ，將會逐一分享介紹，有興趣記得睇埋落去！ 新場試玩 Carpus & Co. https://www.carpuslifestyle.com/ 虎地山莊營地座落於上水虎地坳村，鄰近梧桐河、雙魚河畔，佔地約 22,000 平方呎，可同時容納宿營達 80 人及車輛 20 架。   設施：2個沖涼房、4個男女共用廁所、香草提供採摘、可以俾錢買冰（冇雪櫃提供）於辦公時間不停供應、提供車位。   場地有香草可以比小朋友採摘，大家可以煮嘢食用，大人介紹小朋友認識唔同種類的香草！   有一片草地俾小朋友踢波 4個男女共用洗手間，有人定期清潔都算乾淨，2個沖涼房，沖涼熱水可以成晚都有，應該係煤氣爐，之前去過啲營地去到夜晚嘅時候已經冇熱水沖涼。   等睇螢火蟲的小孩     之前去白泥同農莊等私人營地，都會有雪櫃同埋垃圾桶提供，有飲品賣，而呢度冇雪櫃、冇飲品賣，另外自己垃圾要帶走，少少唔方便，不過一出去就有大垃圾桶。   由於得草地所以要自己帶玩具俾小朋友玩，小朋友有得跑跑跳跳已經好開心   男仔女仔分開坐 夜晚非常涼爽，仲有螢火蟲睇添！ 營主介紹夏天會更加多螢火蟲，始終係夏天記得做足防蚊準備，我哋用咗驅蚊機、蚊香、花露水，小朋友冇乜比蚊針到。 仲有得訂燒鵝添，下次都試吓，各位營友都好滿意，老公話下次可以再去過玩。 各位揸車嘅朋友可以試吓。 #親子假日遊 #camping #Carcamp #提供車位 #3歲半小朋友 #露營推介 #私人收費營 #復活節假期 更多育兒及玩樂資訊請留意及Like以下專頁   https://www.facebook.com/Kit媽咪與豬仔包星人-1539661122799156/