大半年前同細佬坐過 #水晶車廂 纜車之後，佢就念念不忘！成日都話要坐纜車！ 琴日見天氣幾好，一於同佢去玩返轉～ 超級幸運，去程同埋回程都唔使排隊! 水晶車廂最正就係可以360度睇風景，沿途真係風景如畫，藍天白雲再加翠綠嘅樹木，望到都覺得心曠神怡~   去到昂坪，我哋去咗大佛後面行山。#心經簡林 前段都可以推 #BB車，係去到木柱嘅位置就推唔到車了～ 行完心經簡林，附近仲有 #樹木研習徑 同埋一條行上鳳凰山嘅路。帶住細佬，我哋梗係行簡單嘅樹木研習徑啦~ 全長350米，好快就搞掂!!   行完少少嘅山，出咗一身汗，我哋去返昂坪市集附近嗰度食啲嘢，有好多檔食豆腐花嘅小食店，$20碗豆腐花～ 如果時間充足，仲可以喺昂坪搭車去 #大澳！下次要同埋Natalie 去埋大澳食地道小食!! #360纜車 #CableCar #親子好去處 #親子活動 #假日好去處 #行山 #親子行山 #輕鬆路線 #昂坪半日遊 #bb車路線 #親子博客 #親子blogger