晞晞未出世前，我地帶軒軒都去過幾間酒店staycation 一番。 到晞晞出世後，佢仲細所以無去住，點知隨住佢開始大，又遇著個疫情????‍♀️zzx所以都好耐無渡下假........     趁住復活節假期有五日假咁多，我地去左一趟staycation  今次揀選左位於天水圍的嘉湖海逸酒店，而我地個package係：「我的夢幻小堡壘」家庭住宿。     package 包括：  豪華客房或標準套房住宿一晚  紐約紐約國際美食任點任食早餐  廚師精選下午茶  特色兒童下午茶  兒童禮品  兒童室內帳篷  免費使用健身室及戶外遊樂場     嘉湖海逸酒店有分一期同二期，兩棟大樓。我地一開始去左一期個邊check in，職員話俾我地知娛樂設施係哂二期個邊，餐廳都係， 唔怪之得一期咁靜 雖然2:00pm先係package check in time，不過我地1:30去到都已經可以拎到房卡上房     我地兩大兩細， 選擇左入住標準套房，兩張單人床可以合併埋一齊訓，床隔離仲有個勁大嘅衣櫃 驚兩張床合併埋唔夠我地四個訓（你地知小朋友訓覺最中意訓到打哂風咁????‍♀️），所以叫酒店開埋梳化床。 梳化床後面就好似一個迷你開放式廚房仔，雪櫃收左係木櫃入面，係屋企size細啲，而且仲好夠凍，雪雪糕都無問題 另一邊仲有一張書枱。 一入門就係洗手間，酒店有小朋友浴盆提供 大玻璃窗兼高樓層，視嘢好，軒晞可以睇到好多輕鐵     呢個package嘅重點係房內有帳篷????仲有飛行棋玩 兩兄弟最中意係帳篷玩，其次就係係窗邊   酒店送左兩隻海豚公仔     package 包埋下午茶，係房玩左陣就落去餐廳食。 大人tea set 鹹點 & 甜點， 包兩杯餐茶。 兩兄弟一人一份兒童下午茶餐內有mini burger 、紅豆吐司、蕃薯仔、炸魚、橙汁     食飽飽就去酒店三樓戶外平台個公園玩，雖然公園偏細少，但勝在係酒店入面就有得玩，玩到攰番上房就有得抖 不過我地都只係玩左陣咋，因為哥哥好中意間房同帳篷     hea到5點幾去附近商場食晚餐，再買埋好耐無食過嘅許留山。     晚上十點，兩兄弟皮已收     第二朝落去食早餐，9：15am落到去已經要排隊等入座，無計啦假期嘛 再上房hea到12點check out~     是次package會至到30/6/2021 價錢 星期日至星期五： $880/2位成人及1位小童 $1080/2位成人及2位小童       期待下次staycation 之旅                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]