自從小姊弟上次坐過360纜車後一直對佢念念不忘，好想再去！於是趁復活節假期帶埋公公婆婆一齊坐纜車去昂坪玩下。 哩次同公公婆婆去特別坐來回水晶纜車！感恩好天氣，沿途嘅機場、廣珠澳大橋景色賞心悅目   腳下青山碧水嘅感覺非常正！   Leanna同表哥仔好興奮！大家都開心係車廂內狂影相！   因為天壇大佛維修中，我地就去左另一景點心經簡林朝聖。   心經簡林係全球最大戶外嘅木刻佛經群！   果然好宏偉！值得去睇吓！   Chester似乎對心經簡林好有興趣！估唔到同我地行左一圈！   回程途中近距離見到牛牛，佢地大感新奇！ 行完慰勞下自己梗係食返碗山水豆腐花啦！     之後返番去昂坪市集玩小姊弟期待已久嘅egg hunt 尋蛋滋味360！   佢地搵齊曬復活蛋後就去抽獎啦～最後只抽中手機背夾，不過佢地玩得開心就足夠！ 任務完成後就去纜車站附近嘅壁畫打卡！ 壁畫上有大部分香港景點， 非常有特色！推介大家嚟影相！   最後就搭返水晶纜車回程去東涌啦！下次時間充足要去埋大澳玩！