Hayleymami

近期豬囡唔食固體，奶又唔食！我可以點呢？不食不喝點會大呢？會唔會出牙有關？但牙仔都未出到！

豬囡剛剛開始加固，但唔識食咁，又成日吐返出來！咁可以點呀？糊仔又唔食！

今日豬囡打左5合1疫苗同13價肺炎點球菌再加輪狀病毒疫苗，細細的身體要一次過承受多藥，個心真係好痛！健康院檢查又話豬囡係細碼BB增長小！我可以點追磅？還是順期自然？有無媽媽可以幫到我？我擔心到眼淚直流！99又成日攞我豬囡同其他BB比較，覺得所以問題都係我餵母乳唔夠營養令豬囡唔長肉！

我之前有聽人講過，BB越大越少大便次數，原因係吸收得好！但我豬囡現在一日都有成3次大便！咁樣係唔係吸收唔到？

我媽尋日上左我屋企煮飯煲湯俾我食，重全日幫手照顧豬囡！我好開心可以食到媽媽愛心飯飲愛心湯！媽媽知我平時無啖好食，成日食老公買既外賣或者係快煮簡單野，有見及此，諗住煲多啲湯俾我，可以令我啲營養好啲！但點知我個衰到無人有既99將我既湯倒晒！我真係嬲到喊，平時已經無啖好食，我媽媽上來煮野俾我食又黑口黑面，我媽媽怕左佢，煮左攞上屋企俾我，又黑口黑面！我媽媽平時見我無時間煮又無人煮正常飯菜俾我食個心都好痛，諗住一次過煮多幾餐俾我食！做左人媽媽先知無論幾辛苦都會為兒女不計回報地付出，媽媽都老啦又多病，但佢無論任何天氣唔怕重唔怕辛苦都要攞飯俾我！點知就俾條臭貨99倒晒！我真係好心痛！

純粹想俾mami們發洩下！我發覺有好多99都好衰(包括我99)或者有啲唔關事既親戚好多說話！如果大家有咩心事，不如上來分享下！^o^因為我自己都好辛苦先渡過到產後抑鬱，好想幫到其他人！如果無地方發洩或者想同其他mami分享，就快點上來啦！

我想問媽媽們，BB幾多個月大先可以出街？

坐月個時坐得唔，係唔係落雨返風會骨痛？我尋日開始對腳同條腰好痛！

前兩日衰為食，食左粒利賓立糖之後減產！點算好呀？我個囡無媽媽奶飲啦！

做人媽媽好艱難，做人媳婦好艱苦！我真係想快點離開呢個鬼地方！我99每日都想主宰一切，成日都要全屋人聽哂佢話，就連我老公既生意都想管！我99超級過份，之前話我，唔好以為自己生左個囡就大哂，現在又成日想掌控我同BB，我現在想嘗試返埋身，佢係房出面聽到BB喊，強行入我房抱走BB，但我係除哂衫，已經唔係第一次，完全無哂私隱，佢成日入我房抱走我個BB再入自己間房關哂門！成日黑面俾面色我睇，係我老公面前對我好似無野咁，唔知以為佢係變臉大師！又講哂啲歪理，又唔俾我抱BB訓，又唔俾我入房餵奶！佢真係一啲知識常識都無，佢話從來無聽過厭奶期，話我自己作出來！我呢排情緒已經好返好多，但佢見我好返啲又專登搞啲是是非非...

唔知點解我坐月到現在一食補品就屙，完全補唔到！我想睇中醫，但唔知餵母乳可唔可以飲中藥！其實現在唔補身可唔可以呀？因為肚屙好麻煩，如果餵奶中想去洗手間又唔可以放低個囡都屙完先返來繼續餵！唔通賴左先算咩，好慘呀！

各位母乳媽媽，請問食母乳的BB打預防針是否副作用無咁嚴重呀？今日我個BB去健康院打左四合一同肺炎針，現在好擔心佢會發燒同其他副作用！BB現在已經厭奶，我好擔心BB再加打完針之後唔舒服所以又唔食奶！現在已經有小小扭計喊喊，一放低佢就喊，見到BB第一次咁樣我心都痛，跟住一齊喊！平時佢好少喊同扭計呀！

有無媽媽幫到我？我囡囡得兩個囡大，但唔知佢係厭奶還是食濟左！食左兩安之後就扭來扭去唔食奶，又無意識食奶一邊食一邊訓，訓左又掃唔到風，用一個鐘食到4安！我又唔知點解佢寧願訓都嘔願食，訓成6個鐘都唔醒，醒左食奶又好快訓返！

請問有無母乳媽媽知道，BB消化不良可以點做？我BB屙綠色便便放好多屁，回吐有時還會嘔奶，今日重好似無咩胃口成日反胃又好多口水！我需要帶BB去睇醫生嗎？