副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

當「全職媽媽」絕對不容易

身為媽媽的我,由新手媽媽到熟手媽媽,

身為媽媽的我,由新手媽媽到熟手媽媽, 今日就講一下關於「全職媽媽」嘅話題, 我不喜歡用自己嘅角度對任何人多加批評 即是用自己嘅尺子去計算和衡量別人 我雖然是天秤座,但都不是斤斤計較的人 何況係一個同你沒有血緣關係的陌生人   身為職媽媽好處會有自己嘅私人時間 有足夠金錢買自己喜歡的東西和固定積蓄 去請一位好工人去減輕自己嘅家務 和照顧小朋友生活責任 有足夠的金錢可以幫小朋友報很多興趣班 給親人有固定嘅家用 大大減輕伴侶嘅經濟壓力 在職場上有晉升嘅機會,好好發揮潛能 享受在職者的福利,員工保障、如危疾、 醫療和牙醫,又有充分休息, 可以和小朋友盡情玩樂和放電 我小朋友都不知不覺間已經四歲了 好多人都認爲我是一名全職媽媽和KOL 其實我間中都有兼職,雖然賺取金錢唔多 全靠我老公提供生活費用 也得到我屋企人嘅大力支持 因爲我之前上班有俾固定嘅家用(吾多) 現在只提供小量家用 在現今社會,能夠做一位「全職媽媽」 已經相當幸福了,我沒有追求太多物質享受   我聽過比較難聽嘅對話 是來自一啲陌生嘅街坊和陌生人 第一句就問你竟然放棄工作去照顧小朋友? 你小朋友都四歲仲做全職媽媽? 你咁青春就做全職媽媽是否太浪費了? 你做全職媽媽,唔覺得好無所事事的嗎? 駛男人嘅錢,就要受男人嘅氣,太委屈了 要做一個經濟獨立嘅女人   口吻是沒有禮貌,而且比較嚴肅 我冇權控制別人的言論自由 但係我有能力去調整自己嘅心態 不應為為小事而不高興,嬲了你便認真輸了 不被任何人去影響當天的自己心情 我也許就是阿Q精神 抱著單純和樂觀的態度   家家有本難念的經,對於呢啲問話 我置之不理,曾經聽過親人比較鼓勵嘅說話到你年紀大了,白髮蒼蒼,喺你腦海之中 小朋友嘅回憶和成長是令人深刻又難忘的 亦有一些友善嘅街坊,大力稱讚 做全職媽媽絕對不簡單,辛苦了!   因為呢個疫情伴侶多咗時間喺屋企 也多了爭吵,因為伴侶上班都面對好多壓力 意見不合,我也試過非常不快樂 甚至睇新聞發覺疫情之下,日本人嘅離婚率偏高的,現在疫情緩和了,一切回復正常 伴侶終於不用home office 小朋友可以正常地上學和去玩遊樂場 這個疫情教懂我們珍惜一切擁有嘅嘢 唔係理所當然   我承認我們全職媽媽嘅抗壓指數比較低 我們個生活圈子就只有小朋友、伴侶、 同學嘅媽咪和幾位知心好友 所以我覺得一有空,或者伴侶照顧小朋友 時候,就要盡情享受自己喜歡做嘅事 除咗照顧小朋友,也不能夠忽略自己嘅興趣   我當「全職媽媽」沒有錯過仔仔 第一次反身 第一次牙牙學語 第一次沒有攀扶下行路 第一次叫媽媽 第一次學識上廁所,戒尿片 第一次開始駁嘴 我認為小朋友嘅成長只有一次 到佢長大了就會有自己嘅生活 我手機全是小朋友啲相,應該已經過萬張了   相信好多香港人都會選擇保姆、菲律賓或 印傭姐姐,遇上一個有責任心的固然係好 但我身邊總是聽到一些麻煩的工人 既要付錢送他來,也要付錢送他乘飛機走 而且在這個疫情之下 其實有比較難找到合適菲律賓或印傭姐姐 也要花費較昂貴嘅金錢 加上屋企空間有限及雜物多,未能夠即時 提供一個舒適嘅地方暫住 身為一個全職媽媽就當了工人、保姆、教師、陪玩員嘅職責,而且我會花很多心機在烹飪、親子活動和共同創作藝術方面 我確保小朋友食得健康和成長快樂 有媽媽照顧的小朋友是特別有安全感的 而且比以前更多咗時間同屋企人和親人相處 我們有時候會去西貢、去野餐或一起 逛商場去購物 這份「全職媽媽」工作確實係落力不討好 有些人總是覺得全職媽媽很悠閒整天在睡覺 其實我們連一個普通嘅假期都沒有 即使我生病了,在屋企又要戴住口罩 去照顧小朋友,就連打了第二針的疫苗 也不能夠好好休息 屋企有很多家務、煮飯和家居清潔要做 也要顧及到小朋友的功課和學習程度 雖然好困身,小朋友慢慢長大 自理能力都好了,我沒有太多嘅私人時間 但係我很享受我的生活狀況 做一位快樂的「全職媽媽」 我會用積極、樂觀去迎接生活上每一個挑戰!   謝謝大家喜歡看我的文章 Ada媽與開心果Adan