Daddy生日留喺香港最好嘅活動非Staycation莫屬 網上search到原來香港迪士尼15週年做緊一個香港人嘅優惠 (酒店及樂園門票套票) 人均消費衹需$764蚊一位 (另送$243精品,小食,優惠劵) 超抵呀 就可以享受到迪士尼Staycation加入園反轉迪士尼 今次所訂嘅係迪士尼探索家酒店 於週五入住 週六入園 (約$1500/晚連稅) Check in時巧遇探索家米奇 同場小朋友相當興奮 職員check in時細心介紹康樂活動時間以及酒店內康樂設施 由於疫情關係 泳池限入場人數 建議先到counter預約 指定時間 同時仲會畀埋樂園入場門券 禮品換領券以及優惠券 (禮品換領劵需於酒店內精品店換取- 迪士尼卡通行李牌) (Check in取房時間爲3:00 亦可選擇提早check in取房咭 憑房咭可先享用酒店設施及其餘兩間迪士尼酒店設施及活動) 姐姐仲送咗好多貼紙同小遊戲卡俾二寶 到而家都珍而重之 酒店大堂有電視機播放卡通片俾小朋友kill time 今次訂呢個package仲免費upgrade酒店房 而且好kids friendly 可以特別安排床欄及bb床 入住時Remarks Daddy生日 所以酒店安排左毛巾小禮物以及Mickey蛋糕 相當貼心 今次同daddy嘅慶生活動 二寶仲開心過生日主角 稍作休息 就出發帶小朋友參與由酒店安排嘅米奇圖案尋寶之旅 指定圖案會出現於酒店各個角落 小朋友搵唔到 仲揾職員姐姐幫手 完成可到counter換領 米奇明信片 跟住就參加第二個由酒店安排嘅整襟章workshop 小朋友只要揀選自己喜歡嘅圖案 填上顏色再交畀職員 就可以diy到一個親手做嘅小襟章 酒店仲有個海底奇兵小天地 場內有多款小玩意 繩網 滑梯 亞加力膠條 小轉盤 大積木及海底奇兵公仔 仲播放海底奇兵電影公小朋友欣賞 小朋友玩到唔捨得走 玩完可以問職員索取蓋印章遊戲卡 立體模式壓印章放於每間餐廳門前 讓小朋友去自行探索 玩完大小老闆又要返房休息一下 睇下無限loop卡通片台 然之後就換泳衣準備游水時間 泳池分為淺水區供小朋友戲水 及有兒童救生衣和毛巾供應 好一個放電活動 晚上約八點仲有電影會活動供住客欣賞 如果小朋友仲有電 不妨玩盡佢 溫馨提示: 於counter收到門券後 可到迪士尼官方網站預約入園 預先填寫資料獲取確認電郵 減省入園輪候時間 Day2攻略 是日十點半開園 二寶一早起身準備行裝出發 我哋先寄存行李於酒店內 是日天氣焫焫焫著 記得幫小朋友搽防曬 準備太陽帽 太陽眼鏡 小風扇 毛巾 充夠嘅水 甚至係替換衣物 以免中暑 一入去必經Animation Academy 實在太熱既關係 就當入去畫下畫 過下冷河 一家大細跟老師學畫Minnie 包包仲自創美妮招牌心心眼 今次package 憑入場門券可換領超過500蚊精品 就係呢款指定迪士尼頭箍 每個價值$129 小朋友戴上影相勁靚 如果鐘意其他款式 可以自行補差價 行過大街 巧遇花車巡遊 終於見到以13位迪士尼公主為設計概念嘅新城堡 公主控包包仲同到Cinderella影相 跟住就去咗坐船感受一下亞馬遜式森林歷險記 希望您地大個d 有機會同您地去睇真既動物大遷徙 向前行就會去到反斗奇兵樂園區 去咗玩彈弓狗bb版過山車 轉呀轉 細佬b話好玩刺激 玩完啲刺激嘢 就去咗玩winnie the Pooh同Dumbo 可以從另一個角度坐住小飛象睇新城堡 加上陣陣涼風 so relax (估唔到哩個咁受小朋友歡迎 排隊時間竟然最耐) 熱到hihi嘅小朋友 仲識得跑去咖啡杯 叫我幫佢哋影相 快閃食個Lunch 跟住就出發去冷氣充足嘅小小世界 一入Ironman區 見差唔多夠鐘可以同Ironman見面同合照 當然唔可以錯過呢個機會啦 細佬b問我呢個係咪真嘅Ironman 之後就拋棄咗Spiderman 愛上新歡 可能入園限人數同冇咩遊客關係 Ironman區竟然極速排隊就可以入去玩 仲可以encore玩多次 有得自己拎槍射目標計分全家battle 二寶大愛 唔經唔覺玩咗勁多game 到咗黃昏時候 襯magic moment 同咗包包去影igable相 再去美國小鎮大街shopping 晚上嘅城堡煙花已經改為花車巡遊代替 (敬請留意) 就係咁 Daddy既生日就送左畀兩位小朋友一個難忘嘅回憶 我哋預訂酒店時就係連同奇妙同慶團體優惠 一行四人低至七折套票購買 由即日起至6月30日期間入園 * 三人同慶可享門票75折優惠 四人同行可享門票7折優惠 *探索家酒店暫時衹開星期五，六，日及公眾假期 *於迪士尼官網先預訂房間 再加購奇妙同慶套票會較爲優惠 而且房間可免費升級 (每張優惠門票可換領迪士尼頭箍一個/米奇耳朵及到小食亭換領32安士爆谷一客/冰凍雪條一支) 由於優惠眾多 請以官方網站作準 場內職員未必清楚了解 記得保留入場門票以QR code 查詢指定優惠 *請注意 現逢星期二,四休園 詳情請以官方網站資訊為準 嚟緊父親節同端午節假期 大家不妨Plan下同屋企人去迪士尼過一個「2日一夜既僞旅遊」Chill下 Like & Follow 包包陪細佬b看世界 facebook專頁 親子Blogger米高媽媽有更多育兒資訊及親子活動為大家分享
