副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽實用文: 早產check list 3: 用品清單

當BB突然早產, 十個有十個爸爸媽媽都會俾BB嚇親,好徬徨無助

當BB突然早產, 十個有十個爸爸媽媽都會俾BB嚇親,好徬徨無助 可能跟本咩都未準備未買,未study, 個心急早B就搶閘出世  而且媽媽生完,傷口痛又坐緊月,唔可以四圍去,亦無心機去諗咁多野 希望呢個用品清單可以幫到你地去迎接心急早B的來臨   奶泵 之前個blog 有提到,早B媽媽人奶路一般比較長,一個合適的奶泵好緊要,有好多blog 都有講點揀奶泵,大家可參考   奶泵的額外 PARTS 早b 媽媽 醫院屋企兩邊走,又要爭取時間休息,泵一次洗一次係會超級攰,買多兩套parts 換取自己多啲時間休息絕對需要。休息唔夠,人奶都少啲,有啲錢唔慳得。   奶樽消毒烘乾機 唔駛用傳統水煲煲水消毒,掉晒落去,一部機加水開製就可以去訓覺!第二日訓醒就放晒佢地入密實盒,放室溫唔駛煩. 又唔駛放雪櫃.烘乾功能好緊要,烘乾功能好緊要 , 烘乾功能好緊要, 重要的事要講3 次. 媽媽的時間好寶貴,科技發達就係令人方便啲!   儲奶樽/奶杯 送奶去醫院用,要睇番每一間醫院的收奶要求去買,同埋每間醫院收一轉的數量都可能有限制,要問清楚.早產谷同FACEBOOK 會有媽媽free儲奶樽,大家可以留意下   奶樽刷 用嚟洗奶樽 奶泵parts   奶樽夾 用嚟夾消毒哄乾咗的奶泵奶樽,儲奶樽, 奶泵parts 入密實盒   大密實盒 裝住已消毒哄乾的奶樽,parts, 記得買大啲, 奶泵的喇叭係好亞位   洗奶樽盤連蓋 豆沙婆婆買的好好用,一個長方兜,連一個筲箕同一個蓋. 泵完奶拆開parts, 沖沖水,放落去浸住,儲多幾套先一次過洗   洗奶樽液 始終早b 比較弱,我地所有野都會好小心,洗奶樽用滾水陸完再落洗奶樽液,再過兩次水   保凍袋/盒 大細 同 功能 要睇 幾個因素,屋企同醫院車程,bb夏天定冬天出世,幾耐送一次奶去醫院,每次送的量多唔多,醫院肯收幾多奶.可以參考下 豆沙bb係十月出世,高峰送奶時期係 十一月 比較凍,送奶通常3-4日一次,每次大約20杯,4-5杯一袋,用密實袋裝住,車程半個鐘,用兩個磚紅色 H牌雪糕袋打孖裝住,一共4-6個尿片冰種,前後左右上下夾住. 75日裡面,無一次溶   密實袋 用嚟袋住 裝咗人奶的奶杯先再放冰箱,隔絕冰箱入面下層的肉類同其他野的細菌. 原袋拎去醫院時有助保持溫度.亦可以用嚟整尿片冰種.   橡筋 威院的奶杯,每一杯都要寫紙,貼bb label 用橡筋箍住咁交,有時一用就廿條橡筋,病房有時會唔夠,我地索性買一包慢慢用   尿片冰種 唔駛買,自己整,低成本,高效能!用一條細碼尿片,就可以整到大約6-8個200ml奶袋大的,夠晒方便. 方法請自行YouTube. 驚爆可以用密實袋入住就無有怕!   早產片 可以係幼聯登記會免費提供早產尿片到BB出院  https://pampersbbclub-hk.com/preemie/ 登記電話: 31881856 而豆沙出世時, huggies 都有做呢個活動. 但個時我地無心情去apply. 不過豆沙個時 只得huggies, pampers未出,全部huggies 早產片都只可以係上hkTV mall 訂. 而家就多咗士多,屈臣氏都有得上網買。 嗰時得Hktvmall 做唯一可以買到的渠道,試過斷貨,豆沙沙又就嚟用晒,嚇到媽媽勁心急.  早產片同 NB 碼,零碼 係唔同的,係細好多, for up to 3 kg babies. 如果急住用 可以 去早產Facebook group 或者早產媽媽WhatsApp group 到問,通常都有人free. 豆沙媽媽都好開心咁free 咗一共六包出去. 純水濕巾  醫院要求父母拎濕紙巾去俾佢地幫早b 換片時用,佢地無要求純水,但我地有時會拎嚟幫佢抹面抹手,純水最安全. 都係huggies 米色Pooh, 70 塊裝比較好,護士唔駛用兩用就要開包新 同埋泵奶前都用純水濕巾抹胸 乳房冷熱敷 聽聞 iherbs 呢個唔錯, 一叮就得 豆沙媽媽就用呢個,豆沙姨媽俾的, 六甲村, 一啪就熱, 用完會硬咗, 包住落水煮就可以再用 乳墊 媽媽用的,日版pigeon香賓金或粉紅都無得輸   餵奶bra 方便泵奶,特別冬天好緊要, 唔好冷親, 豆沙姨媽係日本幫手訂番嚟, 聽聞cotton on 都有,性價比占   餵奶上衣 可以買中開扣鈕的衫或者餵奶睡衣,方便泵奶,特別冬天,唔好凍親. 豆沙媽媽嗰時拎晒豆沙爸爸D衫嚟著   低腰底底(開刀) 低腰的底底可以避開唔會箍到傷口,無咁痛   口罩 醫院要你帶口罩先俾入,出入醫院都要保障自已,一日一人探兩次就每日兩個,兩個人探兩次就一日四個,口罩其實可以用得好快   奶袋 一嚟裝住多咗的奶,二嚟 for 整尿片冰種   Pat pat 膏 豆沙由NICU 轉咗出去SCBU 就爛pat, 建議 見早b 個pat 轉出SCBU 就可以搽定 mustela pat pat 膏 預防 如果紅咗就要厚塗 醫院會開隻綠色的pat pat 膏,係複康店有售,要有label 先俾買, 豆沙個pat爛到見到都心痛都係靠厚塗呢枝嚟保護番個pat pat 仔 早產奶咀 豆沙成日帶頭係病房半夜喊,又長氣唔收聲,仲帶埋隔離左右一齊喊聲大合唱,俾護士投訴,要我地買個安撫奶咀俾佢。安撫奶咀用定唔用就見仁見智。早b 的奶咀 有特別唔同, 豆沙媽媽係上Facebook shop 到買. 一買就兩個,方便替換,一個係醫院一個就拎番屋企消毒. 同個facebook sales 講咗豆沙的週數日子, 根據佢建議買咗第二紫色俾豆沙 係大百貨公司,網店,荷花都可能有   奶咀盒 兩個,一個裝乾淨去,一個裝污糟走,記得方便開,等護士可以好快咁係BB喊時拎奶咀出嚟俾bb啜   紗巾 當可以杯餵時,就自己帶紗巾去墊住用杯餵,一個密實袋裝乾淨,一個密實袋裝用過的番屋企洗   獨立冰箱 (optional) 早b開頭食得少, 而媽媽啲奶多過佢食就開始會有存貨。豆沙媽媽無買到,但係就佔用晒自己屋企,婆婆屋企同嫲嫲屋企個冰箱嚟存放人奶,仲拎咗啲去整皂,堅持一滴都無浪費,過期的就留嚟俾bb沖涼.如果唔夠位,可以考慮買一個,到用完再係早b谷或人奶谷到放,都有人會接手.聽聞可以係上海街或淘寶搵到 其他 有音樂的安撫公仔 米袋 手套仔   暫時係咁多,再諗到先再update, 大家覺得有D咩漏咗都可以出聲