副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【科學館Pixar動畫展】DAY TRIP攻略 - 上集

一到夏天 陰晴不定 所以較傾向同小朋友計劃室內活動

一到夏天 陰晴不定 所以較傾向同小朋友計劃室內活動 今次一於同大家推介一個嘆住冷氣 又可以玩足全日既親子好去處[ 科學館Pixar動畫展覽 ] 卡通片大家就睇得多 唔知各位小朋友又知唔知動畫既製作過程呢?! 米高媽媽身爲Pixar迷 包包同細佬b當然係睇住Toystory海底奇兵大啦   //「彼思動畫的科學秘密」係由香港科學館與美國彼思動畫製作室共同策劃5年既大型展覽 展覽共設8大展區 可以一步一步探索電影製作過程  從嶄新角度認識彼思動畫既製作流程以及電影如何巧妙地融合科學、技術、 工程、美術和數學(STEAM)概念  創造出在銀幕上欣賞到的生動角色以及逼真場面 大人同小朋友可以入場親身體驗如何利用科技創作動畫角色,學習攝影、燈光運用,並了解彼思員工的工作點滴// 米高媽媽於預售首日已經約定包包同學仔既家長一齊online booking (每次4位) (成功預約者會收到確認電郵及QR code 需於參觀當日於指定預約時段到科學館 並向職員出示QR code  然後於票務處即場購買門票或博物館通行證 *博物館通行證持有人亦需透過網上系統預約,並向職員出示二維碼方可進場。 *每節時段的預約名額約為300人,沒有預約的「walk in」觀眾恕不招待) 今次我地買左博物館通行證入場(家庭版) 只需$100 相當抵玩   好! 就等包包同細佬b帶大家率先潮聖「彼思動畫的科學秘密」 連入口都咁有心思  果然PIXAR出品 必屬佳品 一入場見到大大個巴斯光年 就知去左建構模型區: 哩度嘗試用簡單易明既體驗  根據美術師的草圖黎等參觀者了解如何創建出一個數碼雕塑模型 如果唔明既 可以拎起聽筒有專人錄音解說 沖天救兵(卡叔)既Prototype 小朋友就了解到概念就好似玩泥膠砌公仔既原理 PIXAR迷一定認識既經典角色 用上3D小遊戲 增加小朋友對卡通角色立體化既Concept 見到毛毛同大眼仔 即係代表你已經去左建立骨架結構區 展品會探討虛擬骨骼既基本概念  並展示動畫師如何替角色擺出不同姿勢 Build a Robot: 利用唔同立體形狀同磁石等小朋友可以砌出自創機械人  每位小朋友都非常專注 玩完哩部機 小朋友就會清楚知道卡通片入面既角色手腳movement原理 黎到布景與攝影區:用上太空奇兵場景 認識如何控制攝影機  櫻花樹下就模擬出《蟲蟲特工隊》裏昆蟲眼中既世界 各種形體同佈景布可以豐富小朋友既想像力  原來三角形可以變成芝士又可以係西瓜 開始深入淺出地等小朋友創作出一小段Animation 跟住就到左好重要既燈光區 唔同顏色燈光下既多莉完美展示出神秘既海底世界   另外展覽亦設有多個IGable打咭熱點 包括《反斗奇兵》巴斯光年、《怪獸大學》毛毛和大眼仔、《超人特工隊》柏氏一家及 E 夫人等 而且仲有好多Pixar畫  記得唔好錯過 (Inside Out) 行完個展覽 好想番屋企睇Joy同Anger 哩個就係好受小朋友歡迎既手動播片區以及認識PIXAR片頭如何利用Stop Motion拍攝手法 反斗車迷見到一定好hyper 黎到展覽既尾站就係禮品店 各位大人同小朋友可以盡情釋放購買慾啦 唔經唔覺就玩左兩個鐘  各個展區都用心製作 值得細味    睇完您就會知道一套卡通片係幾大製作 集結千千萬萬人既心血 特別鳴謝: 香港科學館以及美國彼思動畫製作室 送左哩個大型展覽【彼思動畫的科學秘密】俾香港市民 【彼思動畫的科學秘密】 展期:2021年7月30至12月1日 開放時間:平日(上午 10 時至晚上 7 時) 周末及公眾假期(上午 10 時至晚上 9 時) 星期四(公眾假期除外)休館 入場費: 標準票30元 ;團體票21元 ;優惠票15元 ;全日制學生5元 星期三:標準票10元;團體票7元;優惠票5元 博物館通行證持有人免費入場 預先上網預約 計劃到訪Pixar展既朋友 可於每日2:00pm網上預約 (系統可供預約當天起未來七天之入場時段) 另設工作坊及網上活動 於特定日子,會場設有工作坊供公眾參與: 「虛擬雕塑初體驗」—— 讓參加者運用 zSpace 電腦系統學習虛擬雕塑的基本技巧,創作出獨一無二的 3D 角色,並可體驗 AR 和 VR 互相結合的學習模式,此外更可以利用其創作的虛擬角色,製作成一段定格動畫短片。 「創客工作坊:手作動畫箱」—— 參加者可認識一些動畫製作的基礎原理,例如視覺暫留等,更可在專業導師的帶領下升級改造回收的「紙皮」,製作出一部手作動畫箱。這工作坊設有親子和成人班。 以上工作坊將在開始前 45 分鐘於活動場地接受報名。名額有限,先到先得。如未能親身出席,亦可選擇其他網上節目,包括「從畫板到銀幕」網上講座系列及海底奇「魚」記。 工作坊及網上節目詳情: https://hk.science.museum/ms/pixar2021/activities-TC.html 溫馨提示 • 建議預約黃昏時段 相對少人 • 遊樂攻略:可先玩科學館外其他展館 再於指定預約時間 於入口按職員指示排隊入Pixar展 •(地球資源館及兒童天地已重新開放) *如小朋友想玩兒童天地既小小工程師 可先到派籌處拎籌 超受小朋友歡迎   待續。。。 Follow 包包陪細佬b看世界 facebook專頁   會有更多Update親子好去處分享