已經下了一星期雨，點都要帶女兒出去郁動一下，剛過去的周末就帶住酒粒B同久未見面的朋友去九龍灣Emax 睇吓有乜好嘢食食個Tea。發現近期Emax都開咗好多新餐廳，真係眼前一亮， 行行吓就見到呢間靚靚Cafe，白色主色調，雲石枱，加上一些花草裝飾，IGable ，啱晒女仔打卡，可惜靠窗位置就已經有人坐咗啦，落地玻璃加上自然彩光就更加舒服，嘆杯咖啡可以坐足一日！   我們叫左兩個set lunch , 佢哋個lunch係食到4點，加多個法式crepes做甜品。   英式炸魚薯條Fish and chips $88   煙雞胸蘆筍沙律Smoked Chicken Salad $85   藍莓法式班戟Blueberry Crepes +$58         好可惜太肚餓，未影相已經開動了，淨係記得影個甜品。佢個set lunch已經包括湯同埋飲品，當日嘅Soup of the day 係南瓜湯, 呢個湯亦都適合我個酒粒B飲，囡囡食到津津有味。   呢間餐廳有樣野亦都好抵讚貼心的，因為有BB High Chair可以提供，呢一間都算係我有疫情以來第一次帶囡囡出去食的餐廳喇！所以對呢間餐廳食物和安排都好滿意，空間都算大，唔會話坐得好迫夾咁囉，都有保持適當距離，而雖然食物選擇唔算太多，但是環境氣氛都係好適合你Hea成個下午。   另外呢，呢一間餐廳有個特別之處, 有一半部份是歡迎狗狗進入的，呢個應該係有寵物的朋友的大喜訊，我見佢哋都有一些佈置係比狗狗打卡，擺pose影相！我坐嗰邊餐廳不是小狗那邊，所以我就影唔到相俾大家睇。   九龍灣展貿徑1號E-Max 國際展貿中心地下21-23號舖 原來呢間cafe 響荔枝角、元朗都有分店，下次有機會可以再去試吓。   26/06/2021   #九龍灣 #九龍東打卡 #IGable #dogfriendlycafe #1y2m #酒粒B #叻叻 #NatNat #叻叻酒粒B #金牛座BB #430 #我們仨