自從疫情後，我相信好多媽媽都一樣。 變到好煮得，變咗大廚師~   我就勉強合格啦~   同時間，我喺疫情期間終於成功鑽研到點樣整麵包。   呢樣嘢，真係一直都好考起我!! 我試過好多次嘅挫折，整咗多次石頭包... 而家大概掌握到，點樣為止係合格嘅麵團。   我一直都好想要麵包機，原因係我相信有麵包機嘅話就一定唔會失敗! 以及佢最吸引我嘅地方，就係可以預設時間焗麵包、方包。   但而家用廚師機幫我手搓麵團，都可以成功做到麵包。 麵包機我暫時就唔需要再考慮了啦~~     最近趁住放假，就同BB一齊親子落廚。   用廚師機搓好麵團，下一個步驟就交俾小助手幫我搓包。     佢都好有功架，好夠力水啦~ 見唔見到呀，佢手瓜起腱㗎~   講到尾點解我成日咁想輕易自己整麵包，原因係妹妹好鍾意食麵包。 所以，我成日想自己整麵包俾佢食，感覺健康啲又真材實料啲嘛     材料: 高筋麵粉200g 快速乾酵母粉2g 細砂糖20g 鹽2g 無鹽奶油20g 水120ml (視乎麵粉吸水性程度而進行調節) 蛋漿適量   做法: 1. 高筋麵粉、快速乾酵母粉、細砂糖、鹽加入，再將水分數次加入。 2. 用廚師機攪拌約5分鐘後(不黏盤)，加入已室溫軟化嘅無鹽奶油，繼續攪拌10分鐘 3. 麵糰不黏手，再分割成8份。   4. 搓好圓形，靜止待發酵。 5. 天氣熱大概30分鐘就發酵完成，於麵包面上掃上適量蛋漿。 6. 焗爐預熱180°C，放入爐焗15分鐘，就完成了~   ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/