前排皮膚敏感塊面爛晒，用一般嘅護膚品唔夠修復，所以想試吓啲濃度高啲、修護力高啲嘅急救下。今次試下呢隻日本製嘅白冰姬 Hadarepair。呢個牌子有幾款產品嘅，我今次就先試咗佢哋嘅美白修護臉膜+日間修復保濕精華先啦。我對呢個牌子嘅認識都唔係好多，知道佢哋係丸野國際株式會社旗下嘅OEM，即係日本製造再批發去其他國家嘅產品。日本生產廠房嘅衛生、QC質量都比較有保證，雖然喺日本本地未必有得賣，但唔試過唔知好唔好嘅，況且佢哋直接批發，中間慳唔少宣傳費用，作為消費者即係變相用平啲嘅價錢買到同樣好品質嘅貨品，都幾抵架～ 留意返，仲有呢個仿冒標籤。 我幾鍾意白冰姬嘅包裝，比人感覺好認真。日間修復保濕精華一盒有6支，每支5ML，確保每支都新鮮衛生！ 日間修復保濕精華係滴管設計，啱晒我呢啲懶人。 精華係無色無味嘅，水狀嘅啫喱，易推開，吸收得好快（可能因為我隻手十分之乾...） 白冰姬日間修復保濕精華滲透力係幾好嘅，佢嘅成份係納米級別，就咁搽上皮膚都好快吸晒，有導入機嘅朋友仔用埋佢嚟導入就更加GOOD啦～介紹下佢有咩成份先：銀耳多醣體萃取液、草莓虎耳草萃取、桑白根提取物、熊果素、甘草酸鉀、洋甘菊提取物、富勒希等等，可以強化皮膚、消除自由基損害、抗敏、抗炎、增強皮膚防禦力、淡斑美白、提高皮膚含水量。啱晒我宜家嘅脆弱受損皮膚狀態啊！ 美白修護臉膜我都好鍾意，又係啱晒懶人嘅護膚品。一盒有6塊，每塊有22ML精華液！醫藥部外品級別，水解胎盤萃取物、甘草酸二鉀、苦蔘、桑葉萃取物、水溶性膠原蛋白、紅花萃取物，可以逐層分解黑色素，雀斑色斑冇得留低！ 一個星期敷1～2次作為額外保養。 佢嘅紙質唔係好薄好薄嗰隻，所以我覺得佢HOLD精華HOLD得幾好，剪裁都夠立體，貼面度我比90分。面膜同精華一樣係無色無味，無添加螢光劑、重金屬等敏感物。個盒寫敷10～15分鐘，我覺得都差唔多，15分鐘啲精華已經比我吸收晒嚕！ 精華同面膜用完後，皮膚感覺係滋潤嘅，同時間佢都幾清爽，唔係笠痴痴嗰種，唔泛油光，所以我嘅結論係佢哋幾啱朝早用。如果朝早要化妝又經常浮粉卡粉，白冰姬嘅日間修復保濕精華會係幾好嘅打底（面膜就梗係好啦如果有時間敷埋先出門口嘅話～） 因為前排敏感，食西藥食到啲皮膚乾晒，加上全身全面都好痕，所以塊面好多傷痕，加上口罩肌，塊面真係慘不忍睹。我會繼續用白冰肌呢兩款產品，希望快啲可以修復返啲痘印同埋唔好再生暗瘡啦。美白嘅產品有時候係會帶啲刺激性，令皮膚變薄，白冰姬係醫學級嘅護膚品，比到我信心，經過我人體實驗我可以肯定敏感肌人士都可以放心用（哈哈）有興趣嘅朋友可以去佢哋嘅FB了解下～ 丸野國際株式會社有限公司 https://www.facebook.com/ENCJP/ **產品/產品資料由品牌提供，真心分享，歡迎電郵查詢。 ngayiellie@gmail.com http://www.facebook.com/popcornellie http://instagram.com/popcornellie http://popcorn-express.tumblr.com