【Little Habs】   地址：新界將軍澳唐俊街21號翩滙坊地下11號舖 電話：2363 5955 營業時間：星期二至六：8：30 - 17：15 香港全港九新界名校幼稚園【學之園】的附屬PLAYGROUP - 【Little Habs】 (全程英語授課)    【熱身】+ 【唱遊時間】 點解每次媽咪要返工 都伴隨住大雨 一收工就跑返去  然後見到狐狸先生(陽豬豬既爸爸) 係雨中打傘同陽豬係學校門口等住我  問狐狸先生點解唔室內等 佢話因為小肥羊要睇雨 ｛ @¯ꈊ¯@ ｝ 因為今日媽媽又太遲啦 所以miss左唱遊時間 入到去仲係成日濕濕 襪都係濕既｛ @*ꈊ*@ ｝   【點名】 點名時間  老師叫到佢名佢靜係舉手 要媽咪推佢patpat佢先識出去  但跟住老師去掛名牌完全無問題 掛完就開心跑返黎媽咪身邊  今日小肥羊好不受控制 跑返黎仲要走返出去出面想幫其他小朋友掛 捉住佢又跑開 跑開又再跑返黎 仲有另外一個同學仔都係 通常係工人姐姐陪佢黎 今日佢媽咪陪佢 佢同小肥羊一樣好不受控制    【動手感知】 今日老師教小朋友【circle】同【square】 既分別 叫家長拎住小朋友既手 一邊睇住老師俾既圖片  一邊畫圓一邊講【circle】 然後再一邊畫正方型一邊講【square】  【square】  有4個邊 由老師帶住數俾小朋友睇   之後派俾小朋友每人一個籃 籃裡面有3個圓波波同3粒骰子 俾小朋友摸一輪觀察一輪之後 就分別派唔同有開口既小紙箱俾小朋友 有啲係 【circle】開口，有啲係【square】  要小朋友分辨再放入個箱到 再同其他小朋友換一個箱再放   最後一個感知活動係由小朋友將唔同形狀既「食物」 喂俾有唔同形狀口形既動物們 有 【circle】口型既【elephant】同【zebra】 有【square】 口型既【lion】同【hippo】   【MESSY TIME】 今日MESSY TIME 同上次一樣都係玩啫喱 老師派俾每個小朋友一條食得既啫喱條 然後要俾小朋友學識用手指仔肌肉 要 【squeeze】【squeeze】將啲啫喱  【squeeze】出黎個盆到 然後派每一人把 【knife】將啫喱切成一粒粒 教小肥羊切左幾下之後 其實就放手俾佢自己玩 我地拎左一條透明既啫喱 切切下就無哂咁   今日仲教整感知袋 (唔知英文係咩 將啫喱放入個袋到 然後再 【squeeze】一支綠色既液體 再加毛球落去 就可以係啲液體裡面將啲毛球推來推去 小朋友好鍾意        【課室外活動】 出面今日新增左彈床 小肥羊跳到唔願落黎 同差唔多3, 4個小朋友跳左一輪之後 終於走左去玩煮飯仔      【落堂】 返到課室後唱【Goodbye Song】 小肥陽最愛的泡泡時間     【彩蛋】 回家後不停玩那個感知袋 然後就破掉了           如有任何問題，可以留言或者找我喲! ٩(๑Ő∀Ő)۶  歡迎邀約任何試用或出席活動 Email：ttotiffany@gmail.com ig: ttotiffany &babyipip fb: facebook.com/ttotiffany