當暑假完結，小朋友同大家都要預先作出各項調節。   例如:  作息時間調節，早睡早起。 培養學習習慣，學習、玩樂時間都要平均分配。   而暑假之後，和牛B就正式成為小學生了，幼稚園同小學實在非常之唔同。 小學上課時間比幼稚園早好多，再加上我哋後都需要搭校巴，就要更加早起身出門口。   幸好，而家小學都係半天學制。 和牛B放學之後，可以食過午飯，做好功課。 再瞓晏覺休息一下，以及有放鬆娛樂嘅時間。   而小學正式開始，我都開始訓練隊友成為神隊友! 首先，我由學校家長日入手，我只參與學校家長群了解情況。   安排老公參與「家長會」，佢係呢方面好有優勢。 因為佢專注力比我高，頭腦都清晰。 一聽到老師講解部份，有問題佢都會即時諗到同詢問老師。 所以，我都好放心交俾老公出席所有家長會活動。   另外，由於老公比我早放工。 所以跟進功課部份，我都交托老公去跟進。 唔好等到我返嚟先處理，咁就太晏同埋大人小朋友都攰了....   雖然，我哋學校嘅功課真係唔多。 不過，學校喺欠交功課方面都比較嚴謹。 一個學期欠交功課 10 次，就會記缺點 1 次 。 我相信冇人會有意欠交，所以真係要跟緊啲、留心啲。   執拾書包方面...我哋慢慢同和牛B一齊培養習慣。 學習執拾書包，都希望和牛B自己可以學識獨立去做。   小學唔同之處，家長要開始學識放手...   我哋都好開心好安慰，因為和牛B有好多嘢原來不之不覺之間，已經可以做得到。 自己喺學校閂門去廁所，唔怕得自己一個搭校車。   就快返咗一個月學，佢每日返嚟都係話我哋知佢好開心。 只不過係每晚9點半入房瞓覺，但每一朝早，都會賴床、扭眼瞓...   各位小朋友、父母都要加油，共勉之!!   最後，小朋友玩樂時間係要有。 但都唔可以只顧玩，玩到無心向學。 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/