返咗學已經一段時間，大概都搵得出佢嘅問題所在，亦都好努力咁幫佢改善緊。最近好用心咁教佢咩叫專心做完一件事再一件事，亦希望佢坐嘅時候可以坐得定，仲教佢適當嘅時候要等待別人。 諗起細個自己好鐘意畫數字油畫，就諗不如淘副小朋友版畀佢畫，睇落好似可以幫佢練眼力之餘，可以幫佢練小手肌，又可以訓練佢專心同耐性，又可以畀佢喺屋企畫下油畫（話說咁耐以黎，都未試過喺屋企開水彩畫類嘅野畀佢畫！），果然佢對呢樣野真係好有興趣，一日裡面分開畫咗兩次就完成晒！我都有幫手後期補色，成品都算唔錯呀！佢興奮到仲想我即時開埋另一幅，淘寶幾十蚊一幅連畫架+齊晒顏料同2支畫筆，尚算抵玩，消磨時間一流！ ————— FB: https://fb.me/bowlpui IG: https://www.instagram.com/bowl_lam/