副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

橫生智慧齒脫離記@瑪嘉烈醫院

上星期四終於去咗醫院剝智慧齒,在公立醫院剝雖然好平,但要等好耐~~~

上星期四終於去咗醫院剝智慧齒,在公立醫院剝雖然好平,但要等好耐~~~   我有隻智慧齒打橫生搞到隔離隻牙蛀咗,在牙醫轉介下排瑪嘉烈醫院前後等咗三年終於剝到。舊年裝牙套的BLOG有分享過我的牙齒X光圖~~~ http://mandycow.blogspot.com/2020/11/blog-post_9.html 在醫院的7-11食咗個簡單早餐醫肚,始終怕剝牙後會食唔到野~~~   我晨早在醫院等叫名,入到房打四、五枝麻醉針後出房再等叫入房,麻醉針令我腫到頂住喉嚨、嘴唇麻痺,令我辛苦到勁唔想講野。 入到房牙醫助理幫我擺好陣先至發現上次見醫生時未照X光就要出房照,好在依家跟我之前去的牙科診所一樣係企定定的電腦掃描。 剝牙過程十五分鐘內完成,牙醫先剝下面打橫生的智慧齒,好似磨碟過去,先剝半隻再剝半隻,過程中除了感覺有血入了喉嚨,還我感覺到條線在口邊,之後剝上面果隻快好多。 本身迷走神經的我成日好驚剝牙會痛到暈,好在冇事~~~ 牙醫話廿四小時內唔可以刷牙、漱口,記得唔好食熱氣野,講真痛到唔可以開大個口,真係好唔想刷牙住~~~ 之後去拎藥,有抗生素、消炎、胃藥、止痛藥和漱口水~~~ 第一次新症$135,舊症$80,藥費$75,加埋下星期拆線$80,剝兩隻智慧齒不需$500,雖然係平,但好需要時間等。 麻醉藥過後痛到唔想食野,午餐和晚餐就係食粥~~~ 智慧齒打橫生如果處理唔好就會好似我咁令隔離隻牙蛀埋,牙醫提我記得抽時間補牙,唔好浪費佢俾我急症的心機,5月見牙醫時佢俾咗今日快期,如果今日冇剝要等三年(真係唔想三年又三年) 其實我在18年偶然的機會在九龍城的牙科診所拎到籌經牙醫轉介而到醫院剝橫生智慧齒,如果有橫生智慧齒而又唔急住去剝的話,政府牙科係一個選擇~~~ https://www.dh.gov.hk/tc_chi/tele/tele_chc/tele_chc_dcgps.html 生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=w=     我的網誌~~~ Google blog theztyle blog Mybb.com blog She blog (New)     She blog (Old) WOW Blog WeShare 媽咪幫mamibuy (駐站部將客) U Blog Bkmilk blog   我的飲食分享:     如有任何Blogger活動邀請或試用,可以聯絡我的電郵:     mandylau55@gmail.com