皓皓今個星期開始放聖誕假啦，係度我都記錄皓皓近依半年的極速學習成長。   一直無同大家講皓皓言語發展喺我最大壓力來源，皓皓兩歲時並不喜歡說話，所以當時經歷幼稚園面試，我壓力如山大。幸好有位老師見到他自動自覺收拾和聽故事有反應，所以收了他很感恩。 皓皓三歲說話多了，不過就有海量發音不正確，當時幼稚園老師好好，馬上為他安排每月一次學校訓練，不過想再排外間服務至少要年半時間，所以四歲前他開始另類外補 #言語治療，費用真的超級貴，第一次評估過千，之後每堂近八百。當時我抱住試試心態，畢竟我教千篇萬篇都發不出那個音。   結果.. 皓皓上完第一堂就成功發到「火」的F音，簡直是奇蹟發生的一刻，成功發音後就要天天練習，加深記憶。 之後每堂學多一個音，好快到第六堂找回四五個音，治療師講皓皓發音接近完全Ok，所以餘下課堂會以延續訓練為主。 感恩遇到好姑娘，不會叫你一直報班，治療師分享有部分小朋友上好多堂亦只能調整到一兩個音，所以每個小朋友語言發展都存在好大差異。 知道皓皓發音，我都鬆一口氣，壓力先得到舒緩，其實早在皓皓k1日常課堂就要接觸英文同普通話，當時我擔心廣東話未講好，再接觸其他會令佢更困難混淆，所以我都無刻意去教。 當時我見其他媽咪分享小朋友報英文普通話班時，我就會諗皓皓比其他小朋友似乎落後好多，不過回頭想一想，其實每個小朋友起步都唔同，不停比較，勉強追步伐，自己同小朋友都辛苦，所以慢慢我都走出來，等皓皓到適合階段再發展。   經過暑假皓皓嘗試過好多不同活動，有動有靜，所以我大概掌握皓皓興趣，我就同佢報相關興趣班，宜家佢上得開心，我都放心！ 而幼稚園學習方面，聽唔少老師都講見到皓皓明白進步好多，所以我都放心曬！小朋友上咗K2好快就要面對明年K3自行收生環節，再加上喬喬出年都要幼稚園面試，到時我應該又會煩惱到爆炸！   ============================ 快加入育兒好去處交流谷，我會不定時發佈最新玩樂資訊 -> https://bit.ly/3nCbN9M 好玩爆燈旺角放電樂園->https://bit.ly/3HF2n5g 輕鬆1小時三棟屋親子文化遊->https://bit.ly/3GmmcwZ ============================  每週五懶人食譜分享，親子育兒和好去處分享，快追蹤我們啦！ like及搶先看專頁！Kylife與二寶之日常 追蹤IG！kylife.babies