~注意部份地方因疫情關係可能被關閉~     **乘風出海 可選擇快船或慢船， 喺船尾看看水花濺， 小朋友也樂透~ 船期: https://www.sunferry.com.hk/zh/route-and-fare/timetable?route=central-to-cheung-chau       **心形木牌 有間小屋四周掛滿心形木牌， 打卡影相一流~   ~位罝:東灣路 喺附近食肆食完午飯便開始行山。         **北帝廟 建於清朝乾隆四十八年（1783年），有二百多年歷史，評定為 一級歷史建築物，亦係全香港最具規模嘅北帝廟 。     ~北社街北端       **長洲消防局 小朋友見到長洲消防車和救護車比市區嘅小型， 覺得好有趣~ 另可問問小朋友知唔知原因啊~   ~長洲冰廠路1號   沿路折返北帝廟，喺面向北帝廟嘅左方有段斜路上山。 穿過民居至溫浩根長者鄰舍中心。   面向鄰舍中心左方有條路上山。     上至長洲北社長利遊樂場， 可選選擇~ ~方法1: 向左落樓梯再沿海邊走至長北路向上行至通往北眺亭嘅分义路，繼續向上行多二十步左右便見到木製日本鳥居⛩。 (此路較長和辛苦好多，但景點較多)   ~方法2: 向右行便到 (此路較短程而且輕鬆)         **木製日本鳥居行山之旅 依個用木造，雖然唔係橙色， 但都可以呃吓like 。     但附近正進行維修，所以要就住黎影。     之前介紹貓咪海濱+偽鳥居隧道 https://www.facebook.com/Miss.swanswan/posts/593127655454459 木製日本鳥居左邊有條樓梯上北眺亭。       **北眺亭 風光明媚，海天一色， 令人心曠神怡。   之後沿方法2返回長洲北社長利遊樂場。       **長洲北社長利遊樂場 望住個海景玩， 又冇人， 小朋友好開心~         **咖啡 & 大大粒芒果糯米滋 行完山，大部份食肆終於開喇~ 不過好多人。   搵個位坐吓，飲杯咖啡~ 椰皇冰滴咖啡　（$55） 新鮮椰皇即叫即開，冰滴咖啡用上帶果香和酒香味嘅咖啡豆，混合甘甜的椰子水，味道特別。   但由於只有一個人經營， 所以等時較耐，服務一般。 ~啡寮 地址：長洲新興街4號地下   外賣買埋大大粒芒果糯米滋(15元一粒)， 坐喺東灣海傍慢慢歎。   ~允升甜品 長洲新興街5號地舖       **東灣兒童遊樂場 東灣旁， 有個望海嘅兒童遊樂場俾小朋友放電。         **日系籃球場 喺長洲青年中心旁有個日系感嘅籃球場         **長洲體育館室內遊樂場 當日重點， 小朋友好期待， 但我成日去邊都冇plan， 行到邊玩到邊。       結果去到體育館時， 時間係下午4時35分， 啱啱完咗一節， 但下一節下午5時50分先開始呀， 中間有個長break......       距離下一節仲有一小時有多， 而攞籌時間係下午5時20分(玩下午5時50分果場)。 小朋友勁想玩呀! 因為好有長洲特色， 有包山、 張保仔洞同 滑浪風帆。         因要排隊攞籌， 所以我哋又唔敢行開， 結果叫咗隊友去買M記外賣喺外面食完再入去攞籌。       ~室內遊樂場: https://www.lcsd.gov.hk/clpss/tc/webApp/Facility/Details.do?ftid=15&fcid=&did=3 玩完都6點半， 之後搭7點鐘班快船返中環， 結束日本鳥居小島之旅。       全程除搭車搭船和食嘢要俾錢外, 其他都係免費活動!!       想跟貼我哋嘅介紹嗎?       想????搶先睇????到我哋嘅相和文章，       請讚好以下專頁: ~Facebook page: https://www.facebook.com/Miss.swanswan ~Instagram: https://www.instagram.com/little_twin_stars82       唔好錯過以下文章啊 其他創作文章(包括80+個好去處): https://www.facebook.com/Miss.swanswan/posts/341412797292614