副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

送到屋企門口!超抵食!泰豐凍肉食品

冇咗堂食咁耐,唔少朋友仔都變左廚神。我就冇咁勁,但就變咗個網購通。經過屈指一算,呢間泰豐凍肉食品真心抵,送埋貨去到屋企(疫情期間有機會唔上樓嘅,自己留意翻大廈嘅安排)都仲平過自己出超市買!尤其是有一期啲超市坐地起價,乜都比人搶晒,比錢排到汕尾以南,真係火都嚟埋!把心一橫買夠$300就免運(三百蚊真係容乜易吖~)其實佢哋門市喺荃灣,自取都好方便嘅,仲有95折添。但我懶,我揀送貨,落單到送貨都好快手,送貨哥仔仲好有交帶勁準時添,真心推介呢間! 我買咗啲凍肉同埋一啲潮汕嘢看門口,包裝靚仔,嚟到仲好凍冰冰。啲凍肉包得好衛生,你都知啦,凍肉有血水,如果漏到周圍係都幾麻煩。 禁堂食後我最懷念嘅係打邊爐,所以今晚就整個千層豚肉鍋。將娃娃菜同豬肉一層一層咁疊起,冇乜難度,又靚又唔使咩技巧,真係啱晒我呢啲冇廚藝嘅懶媽媽。豬肉片我買咗美國天然黑豚梅肉火鍋片,$35/250g,無添加類固醇、荷爾蒙,又抵食又安心。 另外仲買咗牛丸 $83/500g,美國安格斯牛板腱 $40/250g,墨西哥草飼牛 $50/454g,諗住食完個豚肉鍋之後再打邊爐,今晚真係非常之豐富。 今次買嘅肉我揀嘅都係比較平嘅,平時我出去打邊爐我都係叫最平嘅餐(慳家師奶)等我今次試下同出面食到嘅有冇分別先!!泰豐個網站仲有好多款肉揀,有平有貴,豐儉由人。 食完呢次之後我真係覺得泰豐啲肉水準好高,同埋唔貴,同凍肉舖差唔多價,但慳返時間自己出去買同埋托返屋企喎,諗起烈日當空咁行去街市我以經怕怕。下次可以大手入貨,打爆個冰格,同埋豪一豪買啲靚肉試下燒肉先!! 相比起肉類,潮汕嘢好似反而貴少少,但你知唔知點解?真係一分錢一分貨!一打開個包裝啲牛味已經湧出嚟!!一食真係好味到不得之了!!驚喜度直達300%!出去打邊爐一定食唔到呢隻味,講真,我未食過咁好食嘅牛丸。呢個我已經放咗係我嘅購物車again喇!!極度推薦比所有牛魔王,必試呀!!!! 作為懶媽咪雪櫃一定會放幾包潮汕嘢。今日就嚟個fushion all day breakfast(牛油果+生菜+蛋+茄汁豆)配氣炸墨魚餅同埋牛丸。牛丸唔洗講已經知道好好味啦~墨魚餅可以代替麥樂雞、薯餅呢啲高碳垃圾食物,望落去個樣又有啲似,但其實係真材實料嘅墨魚,小朋友食得好開心,又有益。 墨魚餅 $59/500g,食落好彈牙同埋都有唔錯嘅墨魚味。沾泰式酸辣醬又可以做泰菜,打邊爐又得,認真百搭!呢隻都係我嘅回購之選嚟。總括嚟講試過今次係泰豐度買嘢,我覺得佢哋價錢公道,送貨準時,包裝衛生企理,絕對值得推介。唔想自己去超市左撲右撲、身水身汗都未必買到嘢?唔想比某啲購物平台食差價?直接上泰豐個網度落單買嘢啦!( PS:收ALIPAY消費券) 呢度買:https://www.taifungfood.com/ facebook: https://www.facebook.com/taifungfood/ IG: https://www.facebook.com/taifungfood/ **產品/產品資料由品牌提供 ngayiellie@gmail.com http://www.facebook.com/popcornellie http://instagram.com/popcornellie http://popcorn-express.tumblr.com