咁耐無update，是的，我們一家都確診了！高峰嘅時候，我地一直好努力堅守而且無事，結果在誤以為低峰嘅時候就中咗，我相信第6波已經悄悄地來，只有親身經歷過，就知道申報嘅系統有多混亂！記得無論係中咗或同住者後來先中，都記得個別要上報去ratp嘅系統。 媽媽嘅第6感有時真係好準，病發前一晚望住佢瞓覺，唔知點解形住會有事發生，結果朝早摸摸佢頭仔，就真係出事了！頭一日大概都係維持38度，食咗退燒藥一直都無乜點退過，但精神好好，食咗藥都唔肯瞓，貝貝仲不斷威迫我陪佢做練習，做勞作。而快測做同一牌子嘅口含做咗兩次都係2線，但用咗兩支唔同牌子嘅撩鼻都得1線，我自己都打定輸數，但基於身邊友人一直話口含測試準繩度不高，我地對結果都存在猜疑。結果，可憐嘅貝貝同一日俾我地撩鼻撩喉咗好幾次，感恩佢完全無反抗，仲幾enjoy！ 最後，貝貝翌日快測撩鼻先check到2線，感恩佢無其他病徵，體溫最高大概係39.5度，最後高低燒藥一齊食先退到燒！反反覆覆咁燒咗3日，終於都退晒燒，而最後我地一家亦都中晒！貝貝6日後已經變返陰性，我地同姐姐亦都差唔多好返嗱！黎緊貝貝仲需要隔離多一星期有多先可以返學！打咗兩針以上嘅大人，就只需要喺第6及第7天連續測到陰性就可以出關！ 大家會唔會有啲咩想知，可以留言問我，或者我諗到啲咩，之後再分享！   貝貝搞笑語錄： 媽：「撩鼻真係好痕呀！我真係頂唔順呀！點解你咁勁仲可以撩咁多次嘅？」 貝：「唔痕呀！好似撩鼻屎咁咋嗎！好舒服呀！你唔撩鼻屎架咩？」 ————————- 媽：「你睇下我，我食藥自己放入口，快快趣趣就食晒啦，都唔會扭計喊嘅！」 貝：「小朋友緊係要餵啦，咁細個！」 ————————- 因為姐姐都病咗，我自己入廚房蒸兩隻包諗住送藥～貝貝喺門口睇到拍晒手 貝：「媽咪～我好耐無見過你煮野嗱⋯唔係，我記得你細個有煮，不過～太耐姐」 好野！下次母親節係咪可以同老師講返，媽咪有做飯   ——— FB: https://fb.me/bowlpui   IG: https://www.instagram.com/bowl_lam/   #貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #新冠病毒 #武漢肺炎 #covid19 #中咗就係新人類