副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[遊樂小記] 香港最南小島~ 蒲台島一日遊

帶住小朋友去遊離島, 多數都會揀長洲、南丫島,

  帶住小朋友去遊離島, 多數都會揀長洲、南丫島, 船期多, 又食玩買一站式好方便! 但去過幾次, 小朋友叫悶, 又想有D新意, 我地就揀左「蒲台島」! 我咁大個人都未去過XDDDD 真係膽粗粗地帶埋小朋友去, 去完發覺都幾岩一家大細輕鬆一日遊!!  難度唔算高架~ 平時有行開山/家樂徑就無問題~~       蒲台島係香港最南端的小島, 有「香港南極」之稱, 除左360度全海景外,  由於地質以花崗岩為主,  所以有好多經長期風化而形成、狀貌各異的奇岩!!   必去景點:  ✔ 蒲台島126燈塔 ✔ 香港法定古蹟 - 蒲台石刻 ✔ 奇型石 - 佛手岩、靈龜上山、僧人石 ✔ 品嚐紫菜湯     行程開始~ 我地由赤柱出發~ (最後有船期資料) 大約半小時就到! ((好快!!))     一下船就會見到茶座,  不用心急, 可以行一圈先再坐低食野     好快會見到一座橋,  是後期加建, 方便遊人   跟住我地就去搵香港法定古蹟 - 蒲台石刻 是香港九大史前石刻之一 有成3000年歷史!   ▴蒲台石刻   ▴其他九大史前石刻分佈圖   黑角頭石刻 ▸ [遊樂小記] 輕輕鬆鬆家樂徑 - 小西灣 黑角徑   大浪灣石刻 ▸ [遊樂小記] 行山出遊 - 小西灣至大浪灣「龍躍徑」       慢慢往前走就會見到好多不同型狀的奇石   ▴僧人石  好普通的一舊石XD   ▴靈龜上山 見到小徑左邊有隻烏龜爬上來嗎? 呢個好似!!   ▴自己覺得很像抹香鯨的巨石XD   ▴最遠處山上那點點就是126燈塔     ▴指定動作, 在126燈塔打打卡   ▴去完燈塔往下走就會見到佛手岩 真係好似!!!!     行下山影下相 我地仲帶左風箏來玩~ 想再挑戰, 可以繼續登山,行上觀日亭睇全海景~         有一個小小沙灘, 要留意, 無洗手間無士多, 可以輕度玩下水, 拾貝殼 我地仲見到水母添呀!       玩完就去士多食下茶果、紫菜湯, 飲支自家薏米水~       仲有生曬紫菜、海帶、昆布等等買返屋企!     蒲台島真係好靚, 好有特色,  可以同小朋友講好多趣事, 如果小朋友再大D, 可以帶佢地黎露營添呀!         交通資訊: 蒲台島交通 1) 赤柱卜公碼頭乘街渡,船程30分鐘,只限星期六、日及公眾假期服務 2) 香港仔碼頭乘街渡,船程1小時,只限星期二、四、六、日及公眾假期服務 船期請參看 運輸署網頁 最新更新。             #親子放電好去處 #香港親子遊 #本地遊 #親子遊 #香港好去處 #玩盡香港 #週末好去處 #親子好去處 #親子blogger #媽媽blogger -------∽-★-∽------∽-★-∽-------- [遊樂小記] 落雨好節目~ 室內playhouse 百田遊園 銅鑼灣店 [遊樂小記] 旺角免費室外遊樂場「MOKO動樂園!」 [遊樂小記] 香港賞櫻記 @ 將軍澳單車館公園 [遊樂小記] 市區郊遊徑 - 小夏威夷徑 + 瀑布 + 流水石澗 [遊樂小記] 港島親子景點 - 炮台山東岸公園 [遊樂小記] 輕輕鬆鬆家樂徑 - 小西灣 黑角徑 2022.02.05 年初五去睇吊鐘花 [親子好去處] 巨型蔬果造型! 戶外歷奇公園~~ [遊樂小記] 挑戰! 由灣仔行去香港仔! (行山路線: 灣仔峽道>灣仔峽公園>灣仔警隊博物館>香港仔水塘) -------∽-★-∽------∽-★-∽-------- 更多親子遊記: ☆親子遊☆ ☆成長日記☆ -------∽-★-∽------∽-★-∽-------- Follow : Kan夫人。生活雜記 FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) 歡迎聯絡合作: Email: ja20121111@gmail.com http://www.ja20121111.blogspot.hk