12月14日   兩隻好聽話咁等到開刀嘅大日子 係開刀前4日，因為醫生擔心兩隻嘅肺未夠成熟，所以連續打左兩日強肺泡針 每日要打兩支，相隔10小時 即係朝早打完一支，隔10個鐘再返去打多一支 呢支針係咁大個女以黎，打過最痛嘅針 藥好「傑身」，所以打落去好有感覺 打嘅位置係大髀近Pat Pat嘅位置係 打完之後會腫起咗一泡，連上落車提起腳都會痛嘅程度 一路諗住兩粒星星，媽媽同你地一齊加油咁捱過咗 到開刀當日，因為係同卵MCDA嘅關係 果日嘅醫生同助手都特別多 我排嘅係當日第一個做手術嘅time slot 所有檢查都做得7788嘅時候，準備落去產房係大約朝早10點 疫情關係，老公唔可以陪產，只有係出面等消息 同其他開刀媽媽嘅過程差唔多，時間冇特別長 只係條疤痕比較大???? 兩兄弟相差1分鐘平安出世 但哥哥肺泡都係未夠成熟，所以需要入住NICU 咁呢幾日，就只有弟弟陪係我身邊 兩兄弟嘅體重分別係2.5kg同2.7kg 孖生黎講算大隻，全靠私家醫生知道上一胎陀家姐果陣 出玩臍帶供血不足 今胎係一開始知有咗嘅時候就開始食阿士匹靈 兩兄弟嘅體重同大小一直都保持係中至大碼 而哥哥都只係遲弟弟一個星期左右就可以同我地一齊返屋企