新場！新場！荔枝角新playhouse，喺正地鐵站上蓋！ 今日嚟呢邊攞書，原來新playhouse就喺同一橦商廈入面，所以預早啲，帶阿妹嚟玩陣！  佢哋11點開門，我哋就嚟到！人少少，正呀！ Playhouse地方都算大，新開張所有嘢都好新淨就梗架啦！ 我哋就無join會員，所以要交底$300 按金入場。  *價目表及請看文末* 入到場內就有換鞋區，旁邊就有育嬰室。 現在正值新張期間，所以入場可免費使用儲物櫃一個。 除底鞋阿妹已經急不及待衝去玩嚕~~ 玩樂設施方面都唔少，偏向適合年齡較細嘅小朋友玩。 粉色系波波池 場內一共有3個小朋友最喜歡嘅波波池，阿妹第一時間就去 撲波波同瀡滑梯!! 波波池邊仲有彈床，小朋友可以盡情放電！   海盜船造型攀爬架     攀爬架內有射波波槍，三條滑梯同波波池，仲有互動投影。   阿妹第一次玩射波波槍，感覺好新奇。   火箭造型旋轉木馬 旋轉木馬旁邊就有兩個滑梯組合，適合幼兒玩樂。   色彩繽紛恐龍沙池 (3歲以上小朋友) 恐龍沙池沙粒較細，家長們要小心留意喔！ 玩意都幾多元化，還有玩具區、樂器區、小賽車等...有動有靜。         大型積木區       仲有鬥智鬥力鬥準繩嘅 #冰壺 遊戲！ 係香港唯一一間有冰壺玩嘅Playhouse！  阿妹好似有板有眼咁 (hahaha....^^) 阿妹好開心，放飽哂電，一上車就瞓！     《Wonder valley》 地址: 九龍長沙灣道833號長沙灣廣場3樓312至317號舖 (荔枝角A出口） 營業時間: 星期一至日 11:00-20:00 **預約方面，暫時只限會員先可以有得預約，非會員就要walk-in喇~~ 收費就分會員價同非會員價， 價目表如下:-   *非會員入場需繳付$300按金，離場時將扣除消費後退回餘額。*     提提你:- 大家玩嘅時候留意時間喔！因為收費每小時計，如果不足一小時都會以一小時計算‼️  另外，仲要留意番入場需要穿著防滑襪！如果唔記得，playhouse都有提供防滑襪俾大家購買，$20/對！  更多詳情或更新，可瀏覽《Wonder valley》Facebook: https://www.facebook.com/wondervalley.hk    #親子玩樂 #放電好去處 #玩樂好去處