終於趁住學校嘅特別假期，約埋貝貝嘅朋友仔黎到位於沙田新城市廣場嘅Kiztopia，呢度真係不得了，玩到唔捨得走！來自新加坡最大兒童室內遊樂場嘅 Kiztopia，佔地過12000呎，擁有超過15個遊樂區，結合「玩樂、學習、美食和親子遊樂」於一體！佢哋每星期仲會舉辦特別週末活動（有工作坊、見面會、周末遊戲等）每次可享有不同體驗！ 呢度嘅滑梯特別長同斜，sir起上黎真係好刺激！而且場內設有多條滑梯，基本上都唔駛排隊等候。攀爬區又大又多又夠晒高，家長陪埋一齊玩都唔會踎得好辛苦！同埋裡面仲隱藏咗彈床、飛索、鞦韆，設施非常豐富！ 貝貝同朋友最鐘意係扮靚corner，場內提供多款靚靚裙同大量化妝用品，滿足晒一班公主夢嘅小朋友！ 但旁邊嘅修車廠都一樣好玩，貝貝都係第一次扮到咁man，整車都有板有眼！ 偽超級市場啲貨品仿真度係我見過嘅最高！啲蟹同龍蝦真係不得了，拎齊貨品記得去收銀處埋單呀！ 廚房區都好啱小朋友玩，除咗整麵包，仲可以開埋雪糕店，賣雪條呀！ 細b記得記得要行埋入啲嘅幼兒區角落呀！裡面除咗有波波池滑梯、攀石牆、跳飛機，行入啲仲有車車同砌積木玩架！ 呢度仲有小食店，玩到攰都可以坐低食啲野，充充電，而且價格好合理！ 地址 ： 沙田新城市廣場一期LB08-09, PLAY PARK 訂票傳送門：https://bit.ly/kiztopiahk   ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060    #貝貝Alice #90後媽媽 #香港媽媽 #新手媽媽 #全職媽媽 #親子blogger #hkblogger #mamablogger #parentblogger #hkiger #5歲小朋友 #hkinfluncer #育兒 #育兒日記 #育兒生活 #育兒分享 #hkkidsmodel #親子活動 #親子好去處 #假日好去處 #假日活動 #沙田KIZTOPIAHK #KIZZOS #KIZTOPIAFRIENDS #沙田 #新城市廣場 #親子遊樂場 #打卡好去處 #室內親子活動 #室內遊樂場