估唔到係深圳玩2日1夜，節目可以咁豐富！上篇介紹了我哋第一個行程係去深圳野生動物園，玩足一整日，歡迎重溫分享~~ https://www.facebook.com/100063695110606/posts/795345949265235/?mibextid=cr9u03 去完動物園就出發去酒店附近嘅「萬象食家」食dinner，萬象食家成個商場8成都係食店，有好多推介餐廳，我哋選擇咗係「湊湊火鍋‧茶憩」打邊爐，必食海鮮、牛肩胛，牛味濃，肉質軟稔，仲有要飲大紅袍珍珠奶茶，大大杯，茶底香濃，好好飲！呢餐真心推介，我哋個個都食到好滿足！ 我地當晚係「深圳羅湖盛業逸扉酒店」住，book左2間雙床房，房內環境舒服乾淨，2張雙人床都算大，2個大人瞓唔會覺得逼。酒店附近就有兩個大商場，距離地鐵站5分鐘路程，好方便！ 第二日我哋主要係「寶能環球匯（羅湖店）」玩，呢個商場好大，餐廳有好多選擇，有網紅書店「句象書店」，飲品店和麵包店都有齊，仲有好多小朋友嘅玩樂設施，室內兒童遊戲室、電子遊戲機、手工藝店、夾公仔店、卡丁車等，可以玩足一整日。 去到商場先上三樓「一號卡丁」玩卡丁車，$78可以玩十圈，我哋買8次套票，會再平啲。小朋友可以自己揸車，店員手上也持有控制器，在適當嘅時候會控制速度、也會幫忙剎車，每人也需要帶上安全帶和頭盔，好安全，我哋個個都玩得好盡興！   Lunch係人氣北京烤鴨店「京味張」食片皮鴨，片皮鴨好香嫩有肉汁，配埋山楂條一齊食非常好味，我哋8個人都食唔晒一隻鴨。其他小菜份量都好足，京都肉餅、烤羊肉都好正！ 我哋食飽再去四樓「極客森超樂場」玩，場內專玩電動遊戲，我哋買咗套票，$0.5一個幣，每個遊戲都唔貴，大部分只需要3-4個幣，有電動車、射搶、跳舞機、打鼓機、夾公仔機等，好多選擇。我哋玩咗2個幾鐘都只係用左300個幣，好抵玩！ 原先想去「小牧童兒童遊樂園」玩，一大一小$89，可以玩足兩小時，但playhouse逢星期一清潔到4點，所以我哋玩唔到。 臨走前再去買麵包做聽朝早餐，呢2日1夜玩得好盡興，食得好滿足，最開心係可以同最愛嘅家人一齊玩！ ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com