副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

梅子桂花酒

18 APRIL 2016(MON)往年見到好見朋友仔都有整自家制梅子酒,成日都想整但又的唔起個心去做。終於趁今日行街市時買左一包青梅,小試牛刀咁又學人整下梅子桂花酒啦~我都真係好小試牛刀,因為在場其

18 APRIL 2016(MON) 往年見到好見朋友仔都有整自家制梅子酒,成日都想整但又的唔起個心去做。終於趁今日行街市時買左一包青梅,小試牛刀咁又學人整下梅子桂花酒啦~ 我都真係好小試牛刀,因為在場其他媽媽級都係十磅廿磅咁買,而我都只係買左一磅咁多。咁我都係第一次學整,都唔知成唔成功,所以都係少少地整下先嘛! 青梅一磅、桂花酒一枝、冰糖一包及玻厲闊口瓶一個~ 其實我原本係想買日本清酒嚟浸,不過係我唔知成唔成功嘅時候,就咁買個成本又好似高高地。見有朋友仔話依支桂花酒個效果都唔錯,桂花又同梅子個味幾夾,所以就買嚟試下啦! 玻厲闊口瓶要內抹匀以作清潔消毒,入面唔可以有任何油份及水份,如果唔係就有機會成支酒發霉呀。 首先用食用凍開水加三湯匙鹽,浸洗青梅約一小時~ 將青梅的蒂挑出~ 青梅用布抹干,然後自然風乾,直至青梅皮乾身為止~   先係瓶內平均一層冰糖~ 然後加入青梅~ 再加入青梅及冰糖至滿~ 將桂花酒於瓶邊慢慢倒下~ 再先用保鮮膜,將瓶口封蓋兩層~ 把瓶蓋上實,放係陰涼處地方~ 擺放於陰涼地方,至少存放一年後就可以飲得。不過為左個味均勻啲,所以每兩三個月就要將酒搖勻混和一次,咁就可以唔會令冰糖沉澱係底,飲用時就會更加香醇,梅味更香濃呀! 好緊張呀,唔知我嘅第一次自家梅酒成唔成功呢,哈哈...一年後希望有好消息同大家分享啦!     **我地嘅FACEBOOK FAGE,唔知大家LIKE左未呢?** 小小豬的成長日誌 大家一齊嚟交流下煮飯仔及去玩嘅親子樂啦