21 APRIL 2016(THU) 復活節假期真係多人去旅行，雖然好似唔關我事，不過我都有得著，就係朋友去旅行我就有禮物收，真係爽！ 好姊妹剛剛去完韓國，佢個韓風仲未熄，所以就齊齊去食炸雞啦~ 一入餐廳已經聽已韓風歌曲不停， 再加上整體環境都唔錯，感覺都好舒服~ 今日老公要OT，所以小小豬都跟埋我一齊嚟開大餐。大家先嚟叫杯飲品先，小小豬嘅提子特飲~ 味道有啲似利賓納，不過以小小豬講最大驚喜就莫過於係飲品上又有雪條，邊飲邊食佢雪條仲唔係佢至愛~ 我嘅菊花菊蜜特飲，菊花味好香濃，而且又唔係好甜，都唔錯呀~ 好姊妹嘅Apple Cider，佢話唔錯，好清新蘋果味，而且飲到底都仍然有嗰一陣酒味，好抵飲呀~ 魚串湯鍋 - 利用小火爐承着個鍋，慢慢煮滾就食得。鍋的材料也算豐富，除了主角魚串外，仲有牛肉、豆腐、娃娃菜和金菇。啲食材吸收晒魚串湯，所以入口都幾夠味，如果食材可以多多啲啲，咁就更加好啦~ 涼拌韓式水冷麵 - 依個主要係叫俾小小豬食，小朋友始終要食啲麵落肚先得嘛。帶有微酸嘅水冷麵估唔到又幾好食，食落仲幾開胃添~ 芝士白汁年糕 - 白汁再加上煙煙韌韌嘅年糕，芝士味道唔太濃，加上泡菜帶點超輕微的辣，依個配搭又幾新鮮~ 嚟到今晚主角 - 首爾風味焗雞~ 好姊妹話係韓國焗雞係好食好多，所以我地就嚟試下個焗雞啦，小小豬食得幾狼C~ 以烤焗方法料理的雞件，外皮酥脆略帶焦香，肉質都好嫩滑，配埋個蒜味醬汁一齊食，都唔錯呀！ 整體上味道都唔錯，小小豬都話下次要帶埋DADDY上嚟再食焗雞。不過食焗雞對小小豬都係其次，佢掛住杯提子特飲就真....哈哈哈！     **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦