我哋每次去到元氣壽司必定會order「日式蒸蛋」，因為呢樣簡直係晴朗嘅至愛呀！徇眾要求希望響屋企都可以成日食到美味日式蒸蛋喎！一於就試下自己DIY啦！ 1. 鳴門卷切片。蟹柳預早少少從雪櫃攞出嚟解凍並每條切半。冬菇預早一晚浸泡發大，切絲。材料齊晒，開始整lu喂！~~~ 1. 將適量冬菇放入蒸碗中 2. 然後放1-2件蟹柳 3. 最後放2-3片鳴門卷 材料放好晒入蒸碗喇！ 4. 預備3隻雞蛋 5. 雞蛋打勻，唔駛打發太耐，以免起泡 6. 慢慢加入雞湯，然後拌勻 7. 慢慢將蛋漿倒入蒸碗內 蒸前look~ 8. 水滾起就將蒸碗放入鑊內，唔駛蓋碗蓋，用中火蒸10分鐘，熄火，再靜待5分鐘先好開鑊蓋 9. 鑊蓋要漏空缺，咁樣做啲蛋蒸出嚟就會好滑滑㗎喇！ 話咁快就蒸好喇！預備開蓋，好緊張！ 嘩！睇落係咪好靚仔呢？ 我唔客氣喇！i ta da ki mashi~~ 我哋一家都係元氣fans，自從晴朗出世後，就多咗兩個人同我爭食日式蒸蛋喇！鍾意日式蒸蛋嘅原因係佢每次嚟到都熱辣辣，而且蒸得又滑又軟熟。啲蒸碗響吉之島12蚊店有售，材料就按個人喜好啦！有啲人會鍾意落蝦、帶子，我哋就比較鍾意冬菇、鳴門卷、蟹柳呢個配搭比較簡單啲。最後講一講材料喇！ 4個蒸碗份量： 雞蛋 3隻 雞湯 350毫升 鮮冬菇 3隻 蟹柳 4條 鳴門卷(日式魚蛋) 8-12片 材料可按個人喜好而定，易熟嘅海鮮比較好。如果用肉類(如雞肉)，需要預先煎熟。大家都快啲同小朋友一齊DIY一下啦！又可以享受親子時光喇！