4 MAY 2016(WED) 今日晨咁早就向西環出發，因為小小豬要返去覆診。原本都以為覆診時間要等好耐，點知唔洗點隊之餘，小小豬又好合作地做完啲測試，所以多出左個幾鐘，所以DADDY就提意近近地落中山紀念公園玩一轉，嚟個返學前快閃放電啦~ 其實依個公園今次都算係第二次嚟，上次就主力係大草地上玩，所以就冇行過去遊樂場那邊，原來個遊樂場都幾大，好多唔同設施哦~ 今日係平日，又係十一點幾嘅早上，所以都真係冇乜小朋友，只係間中有名外藉小朋友走嚟陪小小小豬玩，整個遊樂場就佢地兩父子包場。不過依個場都算好乾淨，同埋種類都幾多元化，所以簡簡單單就足夠小小豬玩餐飽呀~ 玩左一陣遊樂場就轉戰大草地，今日冇帶單車..冇泡泡吹..冇波玩，不過只要有地方，係草上來來回回狂跑就已經係最佳活動啦~ 原來前出少少有個噴水池，不過之前跑左太多時間，所以要下之先可以慢慢再行過啦~ 玩都攰就補充體力，之後就離開公園去食午餐返學了~ 依度其實都幾舒服，環境又好又乾淨，我最鐘意就係有大草地嘅地方，所以搵日一定要帶齊玩具再嚟玩過呀！     **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦！