19 MAY 2016(THU) 依家小朋友真係越來越幸福，生日會嘅種類都可以話各有特式。不過其實唔好話小朋友，就連我係生日會上見到啲可愛卡通公仔汽球，都會興奮啦~ 其 實依個活動係Lee Gardens今年首推全港唯一城市空中綠色生日會，係佢地38樓天台農圃舉行一個生日會嘅同時，又可以體驗城市空中耕作丶DIY舊Tee做環保袋丶互動 綠色魔法秀，當然唔少得小朋友至喜歡嘅大食會，等生日小壽星同埋佢嘅朋友仔都可以渡過一個充滿歡樂又極具教育意義的Green Birthday Party！ 一個綠色生日會就由Party姐姐帶領開始啦~ 接住就由魔術師哥哥為大家帶嚟一場「互動綠色魔法秀」，有別於一般嘅魔法表演，魔術師哥哥會同小朋友作好多互動遊戲，變嘅魔術都加入左好多綠色元素，向小朋友灌輸環保及健康飲食意識~ 哈哈哈...真係可以即場變出粟米同青瓜送俾小朋友呀~ Party姐姐就會同帶小朋友去「T-Shirt再生環保袋工作坊」，每位參加生日會嘅小朋友需要先自備一件舊 T-Shirt，然後剪開衫袖及領口位，再係衫尾剪開一條條之後不停打結，咁就可以親手重塑成一個實用環保袋啦~ 唔想整環保袋？或者可以選擇參加「LEGO創意工作坊」，等小朋友可以利用LEGO發揮創意，砌出自己喜歡嘅的綠色小田園呀~ 生日會又點可以少左汽球，場內嘅「環保汽球生日派對佈置」係會有汽球哥哥會利用可降解塑料製造嘅環保汽球扭成各種可愛動物或蔬果嘅汽球佈置，咁就可以係吸引小朋友之餘，而可以降低對環境的損害。即場仲可以請哥哥為小朋友扭出生果波波添~ 最後當然係整個生日會焦點，小朋友們齊齊參加「小農夫耕作坊」。駐場嘅農夫會帶領小朋友係天台都市農圃入面認識不同種類蔬果，仲會教小淋水丶扒泥丶除雜草....等佢地體驗有機耕作，學習不時不食嘅概念，最重要係要愛惜地球資源呀~ 玩左幾個工作坊，又係時候醫肚了，大家就齊齊去到位於7樓嘅Shelter Italian Bar & Restaurant開大食會啦~ 依度環境又真係唔錯哦~ 有9款唔同種類嘅食物等小朋友食得開開心心(依度只係其中三款呀)~ 最後每位參加生日派對嘅小朋友都會收到小盆栽作為小禮物，希望小朋友可以透過3小時嘅活動，對綠色生活可以有更多認識同埋可以繼續維持~ 坦白講，其實我覺得個概念真係唔錯，小朋友可以同佢地嘅好朋友一齊玩樂之外，又可以齊齊認識多啲綠色生活及從中學習環保意識。 不過.....原來每個月只有兩星期日安排依個生日會 ，而且七月及八日亦都因為天氣預計太熱，所以唔會舉行了(噢...即小小豬係冇依個好運可以舉行依個咁有意義生日會)。 由於名額有限，有興趣朋友仔可以到 www.leegardens.com.hk/greenbday 了解更加詳情及報名啦！   More Information : Website：http://hp.leegardens.com.hk/ Facebook：https://www.facebook.com/hysanplaceleetheatre?fref=ts     **我地嘅FACEBOOK FAGE，唔知大家LIKE左未呢？** 小小豬的成長日誌 大家一齊嚟交流下煮飯仔及去玩嘅親子樂啦！