25 Jul 2016 ~ Running M&M's 全能挑戰場@奧海城 今日帶哥哥同表哥表弟一齊去奧海城玩，見到個遊戲場地，三個小朋友好興奮，好想去玩，但醫肚緊要d, 食左先玩。 排隊等候期間，三表兄弟目不轉睛地望著場內的參加者玩。遊戲開始前，工作人員會先講解一下遊戲玩法，三小子好留心喔! 開始喇，表哥一馬當先，哥哥都跟住上，穿過隧道後，要拎相同顏色的M&M's 豆豆放入袋中，行過石春路，車軚陣，瀡滑梯，最後要將袋中的M&M's 豆豆放在相同顏色的棋盤上，方為完成。完成後，工作人員會比一張遊戲券去拉彩球，每個顏色的氣球有數條繩，選取顏色後，只可拉其中一條繩，如果可以打開的話，會有數包迷你M&M朱古力掉下來作獎品。 呢個遊戲雖然數分鐘便完成，但小朋友們玩得很高興，話下次要再黎玩。