副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

貢多拉之旅@澳門威尼斯人

威尼斯人開咗咁耐,由拍拖、結婚至到生bb都去過幾次,但就一直未有機會試下坐佢哋嘅貢多拉船。今次同晴朗去澳門玩,終於可以一償所願喇! 上一艘貢多拉啟航之後,跟住就到我哋上船,好緊張呀!呢位姐姐就係我哋艘

威尼斯人開咗咁耐,由拍拖、結婚至到生bb都去過幾次,但就一直未有機會試下坐佢哋嘅貢多拉船。今次同晴朗去澳門玩,終於可以一償所願喇! 上一艘貢多拉啟航之後,跟住就到我哋上船,好緊張呀! 呢位姐姐就係我哋艘貢多拉嘅船夫,佢好nice好好人㗎! 坐響貢多拉船上,在運河上緩緩航行,好浪漫呀! 船夫好親切想了解我哋多啲,不停問晴朗問題。"What is your name?" "How old are you?" "What is your Mom's name? Dad's? Grandpa and Grandma's???" "Where are you from?" 似乎係練習英文對答嘅好時機喇!XD 沿住運河一直向前航行,可以欣賞左右兩邊威尼斯大街小巷嘅景色,感覺就好似真係去咗威尼斯觀光咁呀! 船夫問晴朗一陣間唱歌畀我哋聽好唔好,晴朗係咁話「No no no...」,仲笑到咔咔聲,真失禮.... ~.~ 同上一艘船相遇,快啲同佢哋say Hi啦!「Hello! Hello!」 船夫為我哋獻唱威尼斯名曲,在優雅美妙嘅歌聲之下,令整個旅程更加完美呀! 晴朗仲邊聽邊學姐姐唱歌,好搞笑囉!XD 最後,帶埋呢張咁靚又有紀念價值嘅相片回家,作為今次精彩旅程嘅美麗回憶呀! 貢多拉響威尼斯好耐歷史喇!佢係完全由手工製作,亦係威尼斯境內嘅主要交通工具。但今時今日,威尼斯人通常會用較為經濟嘅水上巴士穿行市內嘅主要水道和威尼斯嘅其他小島,而貢多拉就變為用作觀光之用喇!初嘗登上貢多拉嘅體驗,感覺比起一般艇仔穩定舒適,可能始終呢條係人工河流啦!唔會有大風大浪。坐住佢穿越運河觀光,邊欣賞景色邊聽住船夫悅耳動人嘅歌聲,真係好似置身於威尼斯一樣咁呀!貢多拉之旅帶畀我哋好開心同難忘嘅回憶,有機會都想再去坐多次呀! 一齊嚟聽下貢多拉船夫嘅美妙歌聲啦! 我哋貢多拉啲船飛係響淘寶買嘅!咩話?淘寶信唔過?初時我都係咁諗,但搵咗間信譽可靠嘅幫襯,真係會抵好多㗎!各位精明眼可參考以下資料: 悠遊假期:https://travelitem.taobao.com/item.htm?id=528094928121 付款後,賣家會將船票兌換券send去你嘅email,你只需要print出嚟然後帶埋去威尼斯人大運河購物中心832或891號鋪就可以換飛㗎喇!  貢 多 拉 之 旅  購票位置:澳門威尼斯人度假村大運河購物中心832或891商鋪 每日開放時間:大運河 11:00~22:00,馬可孛羅運河 11:00~19:00,聖路卡運河 11:00~19:00 票價:成人 $128/程,兒童 $98/程,家庭套票 $512/每船每程 網址:https://hk.venetianmacao.com/hotel/amenities/gondola-rides.html 返回Encore澳門新濠影滙之旅(室內活動版本):http://blog.xuite.net/chinglongtin/blog/451100263