副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

LEGO旗艦店@朗豪坊

LEGO旗艦店在暑假開幕至今已經一個多月喇!身為lego迷嘅朗朗梗係要去一去朝聖啦! 店舖位於旺角朗豪坊12樓,到達門外,心情已經興奮不已~Lego店又點少得大型lego歡迎牌呀?點解lego人仔放大

LEGO旗艦店在暑假開幕至今已經一個多月喇!身為lego迷嘅朗朗梗係要去一去朝聖啦! 店舖位於旺角朗豪坊12樓,到達門外,心情已經興奮不已~ Lego店又點少得大型lego歡迎牌呀? 點解lego人仔放大咗咁多倍嘅?莫非用咗多啦A夢嘅變大電筒?XD 嘩!好大塊lego board呀!可以在牆上拼砌出無限創意 而更吸引朗朗嘅係前面呢張play table,可以畀小朋友玩,嘗試一下砌lego嘅樂趣 店內四周都展示咗好多lego模型,好鍾意呢set龍貓主題,勾起不少童年回憶 傳聞中賣到斷貨嘅VW甲蟲車,又真係幾過癮喎! 多款Lego Friends系列,睇到眼花繚亂,如果晴晴有嚟實會亮起心心眼啫~  開學喇!仲有冇小朋友未買書包㗎?參考下專門店啲款式啦! 仲有其他lego精品同用品 搖身一變,朗朗已經化身為小勇士,向敵人進攻囉!XD 幫書包揀番個lego裝飾先~ batwoman好特別喎!@.@ 一於買呢個黑武士啦! 好多盒裝lego都砌好咗放晒出嚟做demo,睇啱就可以買返屋企向難度挑戰。好貼心呀! 波子GT3亦係搶手貨之一 迪士尼公主城堡...嘩!*o* Duplo系列都設有展示品㗎! 而且款式仲好多添!小朋友嚟到真係不得了喇!係媽媽個荷包不得了先啱... Xox 可愛動物園,好似我哋屋企果一set呀! Duplo區亦設有play table,可以畀小朋友一嘗duplo系列。不過朗朗仲玩duplo?超齡喇喎!XD lego消防局 海、陸、空警察基地 呢邊啲lego就啱番朗朗年齡喇! 有咩咁吸引?原來見到batman lego呀! 仲有超人幫手對抗大壞蛋添! 羅賓漢飛機、batman車,睇到朗朗都好想帶晒佢哋返屋企呀!(睇下好喇~ XD) 望住盒batman lego似乎心思思,有件事喎! 呢邊有好多star war呀!快啲過嚟睇下啦! 砌好咗果啲lego模型好吸引~ 白兵衝鋒陷陣,預備應戰喇! 靜係展示品都有排睇~ “BUILD A MINI”專區放咗好多lego人仔同配件 響呢度可以搵到唔同服式嘅人仔 仲有好多人頭添!唔同嘅樣都有,不如砌番一個mini me出嚟啦! 過嚟睇下,好大副香港特色模型呀! 估唔估到係香港邊區嚟呢? 由旺角亞皆老街至山東街一段嘅彌敦道,一直砌到西洋菜街、砵蘭街。好壯觀! 有警員正在天台監視四周~ 天台BBQ、打理園藝...感覺就好似置身其中咁呀! 最特別係亮起LED燈嘅招牌,五光十色效果好靚~ 旺角銀行嘅照牌最光猛顯眼~ 人多車多,咁先似熱鬧嘅旺角嘛! 每一角落都整理得好細緻。梗係啦!砌咗成8個月先完成㗎喎! 推住bb車行旺角對於媽媽們嚟講係咪好有親切感呢? lego店就連入貨倉果度門都大玩3D,加上朗朗嘅演技,似唔似同lego人對望梗咁呀?XD 人山人海,以後lego迷又多個聚腳點喇! 大型Lego店必有嘅PICK-A-BRICK WALL,大大小小嘅lego配件盡在眼前,唔駛再四圍去搵~ 好多眼仔呀! 呢座山都夠晒震撼啦! lego砌出嚟嘅唔同動物,你又鍾意邊一款呢? 揀好貨品就去畀錢囉! 臨走之前記得攞本catalog睇下最新款式呀! 香港開咗第一間LEGO認證專門店,簡直係LEGO迷嘅天大喜訊呀!Lego新產品會同步響專門店發售,以後就方便好多喇!我哋最鍾意係呢度嘅體驗區,大人同小朋友都可以一齊發揮無限創意,係親子消閒嘅好地方。仲未朝聖嘅朋友,快啲嚟睇下啦!  LEGO認證專門店  地址:九龍旺角亞皆老街8號朗豪坊12樓1B舖 營業時間:11:00 - 23:00 查詢:2613 2888 Facebook:https://www.facebook.com/legocertifiedstorehk.kidsland