聽好多媽媽講一歲針好勁，要打三針 ，好多bb都會發燒  媽媽谷既媽媽教打針前煲依個紅蘿蔔馬蹄栗米竹蔗水（唔好落茅根比bb住，太涼）， touchwood 佢地既bb都冇發過燒  打針前飲兩日，打針後隔日飲  個名已經講晒d材料 haha  講下份量啦 ，我地大人同埋小羊羊一齊飲　（４－５人份量） 紅蘿蔔 2條 栗米 2條 馬蹄 20粒 （　我懶，買已去皮的　） 竹蔗 一紮 　（ 我懶，買已去皮的　）　 切好，洗乾淨，落水煲1個鐘，完成 依個水有清熱下火作用，ＢＢ生牙仔時飲都可以，消除牙肉腫痛 煲完暖暖地飲，小羊羊見到係咁爭住飲，哈哈 >>> 看更多幼兒湯品推介 <<<