副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

成功克服分離恐懼症@余小b的N班『反常-克服-享受』經歷分享

小朋友初讀幼稚園唔太適應實屬正常的事,回想起余小B番梗N班時,當中過程並冇我地預期中咁順利(>﹏<)。。。同大家分享下我們如何幫余小B克服分離恐懼症吧

  小朋友初讀幼稚園唔太適應實屬正常的事,  回想起余小B番梗N班時, 當中過程並冇我地預期中咁順利(>﹏<) 。。。 同大家分享下我們如何幫余小B克服分離恐懼症吧!   學校設頭一個月為適應週,  上課時間較短, 家長亦可以因應情況陪寶寶上課~       余小b係頭1星期番學完全冇喊! 等我地初頭仲好開心, 原來係開心得太早!!!    一星期後, 可能新鮮感少左,  余小b亦意識到入到學校,  家長係無得一齊入課室上堂嘅, 加上又多左時間要關門上課,  所以佢就開始出現反常情況喇!    (例如: 唔肯入學校, 甚至一落車就話要上番車唔番學! 當時我地真係有d擔心!  因為余小b係個好開朗嘅小朋友,  佢呢個情況令我地好意外!)     好彩係我地一家跟老師的通力合作底下, 終於慢慢搵到解決方案~ 好感恩!   先陪余小b入學校playground warm up吓,  如果佢唔肯入課室,  就叫佢自己拎書包和手冊俾老師~   初時, 余小b只係放底晒d野就跑番出嚟搵婆婆~ 婆婆於是順勢自己入課室做埋學生 (當然要老師同意啦),  引余小b入嚟坐~    結果, 余小b玩玩下玩具就 開始唔記得左婆婆了! 係呢個時候, 婆婆就趁機會全身而退~    余小b當然好快就發現左啦!於是又開始喊~ 但家長真係要忍心d, 唔好心軟呀! 如果係呢個時候番轉頭就會前功盡費!   要知道「分離恐懼症」係好常見的,  大家都要面對和經過的!  還有, 要相信老師的經驗會搞得掂! (好多謝我地呢間學校設4星期適應週,  原來真係有必要的!)     就係咁, 經過3星期的努力,  余小b終於成功克服獨自上學的恐懼~ 佢而家十分享受校園生活, 亦很喜歡番學,  仲成日講番學校玩過咩同做過咩俾我地聽!  嗰一刻,真係好安慰, 好開心~   嚟梗爸爸媽媽都會係您身邊陪伴您,幫您護航,一起加油啊!    以下是余媽媽と余小bのFacebook啊~     余媽媽手記     My Blog Links: Blogspot MyBB Supermami WeShare She.com the Ztyle SeeWide 有關產品試用/活動邀請,歡迎與余媽媽聯絡 Email: qsmartland@gmail.com Facebook Fan Page: 余媽媽手記