副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

BBQ的誕生-9/12/2016(1)

我家的小寶貝-BBQ終於出世啦……等左你接近十個月了………

我家的小寶貝-BBQ終於出世啦……等左你接近十個月了……… 一個星期前最後一次產檢已經係醫院拎左催生期…如果係預產期前都無動靜就要提早入院準備催生(因為自己有妊娠糖尿所以醫生安排早啲催生…聽講正常係四十周過左先催生)…… 一早已經係BBQ 三十二周時執定左走佬袋…所以係7/12直接入院(等埋老公放工回家接我一齊去醫院) 去到醫院做左一連串檢查……包括聽BB心跳機…量體溫…量血壓…驗小便…最後就安排係產前房等醫生…檢查宮頸(結果醫生話宮頸唔夠成熟…要夜晚塞藥…點知到左夜晚姑娘話醫生最後決定第二朝先塞藥…所以可以好好休息一晚) 8/12早上食完早餐又駁機聽心跳……姑娘黎檢查時話我有幾次宮縮問我痛唔痛…我話有咩…唔覺喎……跟住聽完醫生黎檢查宮頸話準備塞藥…結果好好彩…宮頸已成熟……姑娘都話我好彩免去塞藥…之後姑娘即刻安排我去待產房催生…等左陣就聽到中央咪話叫人準備幫我過房…之後姑娘就黎叫我準備執齊野…跟住一邊過房一邊打俾老公話佢知醫生安排…叫佢睇時候黎醫院…過左待產房就開始有少少緊張(之前一直都唔識緊張…因為第一胎咩都唔識咩都唔知個人係放鬆啲) 過到房又係一連串檢查跟住駁BB心跳機…10:30醫生幫我人工穿羊水:-[(其實都有啲痛兼唔舒服)…穿左羊水後就一直感覺下身不斷有水流出……10:45開始吊催生水…11:00開始有少少痛11:30開始維持幾分鐘痛一次(可接受的痛好似平時M痛咁)…到左接近一點老公入得黎陪我…開始痛多左每痛一下我就抓住老公隻手一下…兩點後姑娘話老公要出番去…差不多生先可以再黎陪我(少左老公硬係感覺痛得較辛苦) 到左三點左右我開始發癲…痛到眼淚不自主咁流…痛到曲起腳…痛到凈係識叫…姑娘係咁叫我呼吸……我都開始不自控咁拍床…有個姑娘仲好惡話"你唔好大叫啦…個個生都係咁痛稼…你留番啲力生好過啦…你咁樣叫都無用稼…幫唔到稼" 跟住我答佢:"我都唔想叫…但我控制唔到" 跟住個姑娘就叫我跟住佢呼吸……一呼一吸後慢慢好左我就冷靜番……之後都有第個姑娘見我冷靜番話俾個暖水袋我(本人覺得暖水袋功效不大)…終於忍到六點老公又番入黎陪我……當然老公入黎減輕唔到宮縮之痛…但隨住宮縮愈黎愈強…老公都不斷安慰我幫我按摩俾最大支持我…終於到八點幾姑娘幫我轉入產房了(當時開左三度了)…