對上一次去私家照超聲波檢查，check 到細細b 既胎水得返9cm，依家政府會同我照多次，朝早約左十一點，去左E1登記先，之後就上B3度等喇，等等等等等，終於到我啦，有位女醫生同我照，一照第一下得返1點幾cm ，我心中已經覺得不妙，第二下3cm ,之後已經搵唔到有胎水，得返4點幾cm既胎水，足足又少左一半，OMG  咁醫生問我有冇覺得穿左水，我話又唔覺有，之後佢再安排留駁機聽心跳，再做埋穿水檢查，會唔會我穿左水唔知道呢。 穿水檢查係訓係張床度，醫生拎個鴨咀夾，再放支野落去，我見佢好似類似試紙咁，如果佢有變色就即係穿左水，檢查後，發覺我又冇穿水，醫生都解釋唔到點解我胎水會咁少。 最後見醫生，醫生既結論係唔好再等喇，因為已經37週，已經足月，同埋照到細細都有6.幾磅，都夠晒足磅，話我4.幾既胎水少到等於冇，正常既係個胎會自制胎水，唔知入面發生咩事，所以決定催生。醫生問我想幾時，咁我話咁梗係愈快愈好，咁就決定聽日入院催生。 真係好突然，醫生講既每句說話都係我腦海度浮游，好擔心細細b入面會發生咩事，出到尼又會點，催生又係點，眼淚係個眼眶中，好在老公陪住，我諗佢其實都好擔心。