玩具呢樣東西，唔好諗住只有小朋友才鐘意，其實大人見到兒時既玩具都會同樣興奮，剛剛係星期六就去咗香港文化展覽廳既香港玩具傳奇！ 入場費成人$10，小童長者$5，每位入場人士仲有小玩具送，今個星期送既就係一架紅色小小回力車. 久違了既跳飛機呀，從前每個公園都有既玩意，現在買少見少了，陶寶B目莎拉跳一次就知道點玩了. 場內有多種玩具俾小朋友玩，有啲連莎拉都未見過，自己都玩埋一份.  好大隻麥兜呀, 好得意呢. 除咗有玩具玩，場內有一系列既Q版佈景，全部係60，70年代既鋪頭陳設，行埋去影相真係好平衡時空架！ 有無人要飲汽水呀?! $5支, 埋嚟啦, 埋嚟啦! 呢種裝修既涼茶鋪, 真係好少見了. 呢當就似足中環那間茶記啦，唔該嚟杯奶茶加西多士呀！ Vtech係呢個年代既電子玩具代表, 場內當然有得玩呢.  咁多玩具，陶B記當然鐘意玩車啦，排吓隊去玩又何妨，雖然場內既人好多，不過好彩大家都係守規矩既人.  講咗咁耐話晒都係玩具展，咁啲玩具呢？！唔洗急，行多兩步就正式走進時光隧道回到70既玩具！70年代既玩具莎拉當然無玩過，所以莎拉都同陶b細心欣賞.  對於一個火車迷，唔同年代既火車都會看得着迷，呢個就係陶B!  一路行就見到莎拉年代既玩具啦，呢啲遊戲機陪過莎拉過暑假架，玩過呢啲既請揮手！ 傳說中既椰菜娃娃, 當年係貴價玩具嚟架. 行吓行吓就見到一系列既Thomas ,呢個就係陶B年代，起碼開心佢仲玩緊一件玩具，唔係一部iPad代表全部, 試想想如果整個年代既玩具代表係一部iPad, 你話幾可悲！ 男生們見到當年既聖鬥士星矢，一定好開心！ 行了雖然小小既展覽，但係兒時既快樂時光立時湧現呢！所以玩具真係不分年齡的. 同場加影，場外設有好多架Thomas 火車頭，上次係mikiki 無影到相既，而家可以影過夠呀. 第一次見到Fat controller, 當然要去集郵一番.  而如果大人係star wars fans, 呢一列既白兵又點可以唔影相呀！呢個玩具傳奇展覽會由3/2舉行至5/15，嚟緊復活節假期又一好去處啦！