現在重返職場，平日晚上真係忙到冇乜時間準備晚餐，昕昕主要在嫲嫲屋企食咗飯，有時我煲湯她會幫手飲，今次我介紹的兩餸一湯極為簡單，相信地獄煮神都可以嘗試一煮，以挽回身邊的人對自己的觀感~~~     晚上冇時間煲老火湯，整粟米豆腐羹簡單得來都算健康(^_-)   材料係一罐粟米蓉，一磚豆腐和一隻雞蛋。   首先將粟米蓉和水一比一倒入煲，待煲滾的時間將豆腐切粒和打勻隻蛋~~~     粟米湯煲滾就將蛋漿倒入，倒蛋漿的時候要一直攪拌個滾製造蛋花，之後放埋豆腐粒滾多陣就完成，之前買的LC鋼煲可以保溫多過一小時，所以我可以慢慢煮餸＼(^o^)／     蕃茄炆牛柳，材料只需蕃茄和凍肉店已經醃好的牛柳（雙職媽媽唔夠時間準備醃餸，買醃好的可節省時間，還不怕弄得唔好食）~~~   **醃好的雞趴、豬趴都可以加蕃茄炆架:P     通常煮師會教炆咗汁先，然後倒汁落煮熟的肉~~~   不過我因為省時，所以步驟簡單，煮熱D油就落肉，肉有七、八成熟就落蕃茄，煮到半淋就加一匙的糖中和蕃茄的酸味，最後待蕃茄全熟就可以上碟~~~   我呢個懶人煮餸法雖然真係好普通和hea，不過就已經讓昕昕愛上鮮蕃茄的汁撈飯食~~~   好多在職媽媽會倚賴工人姐姐煮飯，雖然我冇工人姐姐，但就經常外出用餐，不過偶爾留在家中煮餐飯菜，讓孩子感受傳統媽媽的入得煮房、出得廳堂的美德，我係樂此不疲的=]     最後炒個菜，不過我就沒有影煮的過程，邊煮邊影其實唔容易架= ="   以下是我們的FACEBOOK專頁連結，裡面會有一些昕昕的生活照片和不同資訊分享^^      生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W=     我的網誌~~~ Google blog theztyle blog Mybb.com blog Bkmilk blog She blog (New)     She blog (Old) Elle Blog WOW Blog WeShare 媽咪幫mamibuy U Blog 我的飲食分享： 如有任何Blogger活動邀請或試用，可以聯絡我的電郵：   mandylau55@gmail.com