記得白白出院時，因為在醫院一直飲奶粉，回到家中亦是主要餵奶粉。當時開出來的奶粉一直都有很多顆粒，完全溶唔曬。以為用更熱的水去沖奶粉，結果仍然有顆粒，之後才發現原來是開奶步驟出錯，水的溫度太高、而且上下搖動令奶粉超多泡，白白飲完要不斷掃風。原來….開奶粉都有學問！以下是Un太綜合不同資訊寫成的開奶粉步驟。   開奶步驟：   1．清潔雙手，尤其換完片或者去完洗手間後必須用消毒潔手液，然後取出已消毒的奶樽 2．將已消毒的奶嘴套於瓶環上。記住，避免奶嘴碰到任何物件；如奶嘴跌咗或者整到其他嘢，就唔好用佢黎餵BB，應取另一個已消毒的奶嘴，以免BB受細菌感染。 3．按奶粉罐上的建議水量，先放凍水再放熱水樽內。最理想的溫度是40-60度，先唔會破壞奶粉的營養。 4．用奶粉罐內的量匙取出建議份量的奶粉，再刮平，倒入奶樽內。 5．套好瓶蓋，輕輕左右搖動奶瓶，直至奶粉完全溶解。搖動奶樽時，切勿上下搖動，應該好似搖試管咁，避免奶粉充滿氣泡，BB進食後成肚風 6．滴幾滴奶於手背上試溫，微溫的奶最為適合，大約36度最接近母乳溫度。       白白用緊的奶樽牌子是Dr. Brown’s，雖然對於防止脹氣非常有效，但配件真的特別多：奶嘴、瓶環、排氣管、排氣口、奶樽、樽蓋，每飲一次奶就要消毒足足6樣嘢，而白白一共用緊6個奶樽，即係6X6=36！每一次消毒完奶樽及所有配件後，儲存就成為最大困擾！因為消毒完的奶樽未必會即時使用，如果處理不妥就會造成二次污染，令BB肚痾！       後來，Un太在淘寶天貓發現一個奶樽收納箱，既可以讓消毒好的奶樽瀝乾水、同時又可以分類存放，避免感染。       奶嘴可以分別掛好，用嘅時候先扣上瓶環       瀝水盤可以定時取出抹乾，唔需要拎啲奶樽出黎       支撐杆可以自由移動或取出   自從有咗呢個收納箱後，奶樽消毒完就可以整齊放好，瀝乾水用的時候取出，又唔怕螞蟻或者小昆蟲污染，很實用喔！   —   天貓連結：https://detail.tmall.com/item.htm?id=537406097634&spm=a1z09.2.0.0.qAZhly&_u=f1fh2vdjfab8     這裡也有Un太的文章： ESD life WOW • Mamibuy HK • Blogspot She Mom • Weshare • Mybb    歡迎聯絡Un太，參加產品試用和活動： Email：nataliepuipui@gmail.com Facebook專頁：Un太的Blog Blog：https://educatemybaby.com/