前排係小JM岩岩十四個月大既時候， 我地約埋左幾家人一齊去左農莊玩， 幸好天氣唔算好熱，唔係就更加辛苦啦！ 回程既時候仲落係雨添， 好彩我地已經玩完晒盡慶而歸， 小朋友們個個都好開心， 每位小朋友一上船就攰到訓著添。 介紹一下今次去既農莊先啦！ 今次我地一行幾個家庭去既農莊係位於西貢白水碗既 －Nature's Harvest清新地有機悠閒農莊。 （即係係科技大學旁邊） 因為位處於郊區林間，所以都會比較多蚊蟲， 建議各位型爸靚媽要預先為小B們準備好蚊怕水／蚊貼同埋防曬。 Nature's Harvest清新地有機悠閒農莊 （點擊以進入網址） Nature's Harvest FB Page 星期一為Nature's Harvest 既休息日喔，預約時要記得留意囉！ 而想去Nature's Harvest 既話，要記得早大約一星期左右預約， 因為星期六、日都會比較多人去架！ 而清新地亦都好好，有幾個唔同既小組活動可以提供俾去農莊既仕參與添架！ 分別有： 1.）導賞團＋香草盆栽製作 2.）導賞團＋英式鬆餅製作 3.）導賞團＋香草盆栽製作＋英式鬆餅製作 收費部分可以參考下圖： 而今次我地就會參加晒導賞團、香草盆栽製作同英式鬆餅製作既活動添架！ 點樣去／走先係最方便？ 係去程，我地揀左由科技大學去 Nature's Harvest ， 到達科技大學正門附近既巴士站後， 就可以經左手邊進入小徑， 一進入小徑就會見到指示牌，只要跟著指示牌落梯級就會到達。 指示牌上亦有寫上所需時間，一般需要10-15分鐘左右。 （小徑以梯級為主喔！） 但因為當日我地帶著幾個小朋友，所以腳程就真係會耐一倍。 而且因為朝早及前一日落完雨既關係， 路上滿佈住落葉會有少少跣， 所以行係上來要小心一啲。 因為抱住小JM既關係，呢段路媽媽真係攰到不得了！ 而回程我地個個都已經玩到好攰，都唔想再多行一次山路， 所以就選擇左坐船。 我地就唯有叫負責駕駛既朋友先行早點離去， 再將車駛到船隻停泊既碼頭再集合。 船程約10-15分鐘左右， 但必須先行向Nature's Harvest 既負責人員預約喔！ 收費大約每人HKD＄20 （好似兩、三歲以下就唔駛收費，唔係好記得。） 沿路隨拍： （其實媽媽咁樣係好攰，但仍然要保持笑容！） 因為我地帶著小B們，所以用既時間比係指示牌上時間耐， 用左足足30分鐘看到呀！ 終於到達啦！緊係要影返張相來紀錄一下啦！ 農莊兩有兩個大型既休息處位於入口附近， 入到農莊就會有負責人員幫你點名， 再幫你安排座位， 然後就會話你知你幾時會參加邊一部份既活動咁既。 我地參加晒導賞團、香草盆栽製作同英式鬆餅製作既活動， 所以要分Part進行。 抖完一陣我地就被安排參與導賞： 因為導賞團人數比較多，要聽得清楚導賞叔叔講既野就要留心少少啦！ 活動一。導賞 導賞員叔叔會先帶我地去睇下，感受下"香草"， 話我地知唔同香草可以點分，同有咩氣味。 導賞員叔叔仲叫我地試下自己摸下啲香草葉再聞下添！ 小JM都有份試下摸下架！ （不過大家摸既時候記得要溫柔啲，唔好整到啲香草呀！） 睇完香草之後，導賞員叔叔就帶我地去農地睇農作物。 有好多唔同種類既農作物呀，圖中有： 四季豆、紫蒜、燈籠椒、檸檬樹等。。。 大小朋友們都好留心導賞員叔叔講解呀。 活動二。香草盆栽製 完成左導賞部份之後，導賞員叔叔就話要教我地整 "香草盆栽"， 仲話每人可以帶一棵返屋企來自己繼續種添架！ 導賞員叔叔會係開始本盆栽之前會有個少少既簡介， 講解完畢先會俾大家自己自行種植架。 所以小朋友們都會好留心。 導賞員叔叔話一陣大家可以去剪一棵薄荷來到種植呀！ 不如就去片睇下導賞員叔叔點講解: https://youtu.be/0LC2MyZCjXQ （拍片同Edit技巧唔係太好，唔好介意） 小JM因為年紀太細，所以唔可以自己親手種， 所以就由爸爸代勞係啦。 ( 媽媽又來展示角度既重要性） 完成左香草盆栽製作之後，我地就可以輕輕鬆鬆咁係農莊四處遊玩， 等負責人員再安排下一個活動。 農莊除左有兩、三個活動場地外， 仲有小動物架！有羊羊同兔兔！ 除左有兩個大風車可以影相之外，型爸同靚媽仲可以陪小朋友盪秋千、玩泥沙、滑梯等。。。 場內仲有得租電動車玩添架，但係就需要收費。 小JM平時唔多願意自己一個行，會要人抱多， 但今日就一反常態，爸爸想抱小JM，小JM就唔俾抱係都要自己行。 睇來小JM今日又大個左啦！ 活動三。英式鬆餅製作 玩完一輪又係時候要乖乖上堂啦！ 今次要整既係英式鬆餅！ （換句話，即係成功就有得食，唔成功就。。。） 好，即刻睇下兩位靚媽同哥哥努力既製作過程！ 小JM太細又係無得玩，只可以等食。 所以我地就睇住哥哥們整係啦！ 哥哥們就完手就開始整鬆餅， 先將面粉同糖撈勻， 加入牛奶再撈， 最後再加入提子乾。 最後就輕輕力咁搓一搓就得架啦。 （因為係整鬆餅既關係，要小心唔好搓得太over，否則就會硬綁綁唔得鬆化架啦！） 哥哥們既成品又真係幾靚幾好食架喎！ 真係辛苦晒！ 所有活動都終於完成晒， 大家都可以抖一下啦。 唔抖尤自可，一抖就大家都開始有啲肚餓。 可惜媽媽們無Order到食物 （因為都無預到會玩到2點幾） 所以，如果你地會預留大半日時間係度既就可以預訂定食物。 Nature's Harvest 分別提供左：日式溫泉蛋冷麵、壽司套餐或自製田園Pizza 但自製田園Pizza要2點後先開始喔！ 總括： 其實Nature's Harvest 農莊尚算唔錯， 地方夠大，而且活動又多，岩晒一家大細去。 不過就真係要做好防蚊既準備，要幫小B們著定長袖衫、褲， 仲要搽好防曬以免曬傷，貼好蚊貼或噴蚊水。 如果帶小B又帶BB車既，會建議坐船去農莊， 會輕鬆啲，因為抱住小B行咁多樓梯大人都會辛苦。 要坐船入農莊既話就最好預早約定啦！ ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger ★ 傑。斯與晴 ♪ ♫ 媽媽經 。 駐站精選Blogger ★ 傑。斯與晴 ♬ ♩ Ubaby Magazine。駐站Blogger ★ 傑。斯與晴 ♪ 歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯 與 晴 （Jolie Babe。小JM の 成長印記）
