2016年既年底，係我地第一次帶小JM出遊， 而旅程中我亦為小JM添置左幾本音樂書， 小JM都相當喜歡，最特別既係呢書係連埋咪架！ 從此，媽媽亦唔駛日唱夜又唱，唱到氣到咳埋。   其實買到呢本書都可以話係偶然既一個機會， 因為媽媽唔記得左帶小JM既沖涼玩具， 所以我地就順便去童書城度行一轉， 雖然小JM仲細，有好多書都未識睇， 但就俾媽媽我發現左呢本 －《FOOD超人 我的ABC歡唱歌謠》書。 （當然，除左呢本我仲買左一本聖誕既音樂書添） 台灣售價： NTD550 （剛好遇上特價） （但當我知道朋友的店有現貨而且較便宜之後就覺得媽媽有點衝動就是了！）   原先我仲係度左揀右揀，唔知揀邊本音樂書好， 因為實在係太花多眼亂啦！ 大本既有，細本既又有，細到連手錶型式既都有！   最後媽媽揀左好耐，就揀左《FOOD超人 我的ABC歡唱歌謠》。 原因真係好簡單，因為佢有成20首耳熟能詳既歌謠， 真係想唱邊首都得。 20首歌仔，隨你慢慢揀、慢慢聽、慢慢唱。 （唔好意思，同場加影小JM豬仔脾一隻）  怕唔識唱？ 唔緊要，原來係隨書附送左一本含有歌詞及歌譜既繪本架！ 媽媽可以由唔識都唱到識，仲唔駛怕唔記得歌詞。 仲要繪本原來係附設埋樂譜添架， 識彈下鋼既又可以彈下。 《FOOD超人 我的ABC歡唱歌謠》特點：  －可以隨意調教聲音／音樂既大細聲，唔駛怕會嘈親人 －當音樂播放個陣會有閃燈不停閃爍，更吸引小B們 －按鍵簡單，小B只需要輕輕用手指指住想聽既音樂圖片就可以即時播放 －（個人認為最正之一）可以調較為人聲唱歌 ／純音樂模式 －（個人認為最正之二）附設左一個真係唱得既咪，只要較左純音樂模式就可以直接跟住音樂唱！   雖然有一、兩首歌媽媽唔係好熟， 但有本書睇下，就真係易啲會記得。   20首耳熟能詳既兒歌，隨時隨地都可以同小B一齊唱歌。 而小JM最鍾意既歌就有以下呢幾首， 緊係啦，係未買書之前媽媽真係日又唱夜又唱，連同小JM沖涼都唱。 －    If you are Happy -    ABC song -    12345 -    Good Morning -    Bingo -    London Bridge -    Baa Baa Black Sheep -    Four Little Ducks -    Old McDonald Had a farm -    Row your boat   無他既，邊個叫媽媽之前係教開playground先得架， 日日都俾兒歌薰陶住，咁就緊係好易會識啦。 仲有啲唱歌書無既就緊係要由媽媽唱啦， 每次媽媽唱歌小JM就緊係笑到傻左。   不過見到小JM由一開始唔識玩，要教小JM用手指仔指住來播歌， 到而家自己隨時播歌跟住來跳舞都一樣無難度！ 唯一有少少難度既咪就係叫佢唱歌唔好食咪囉！ 每次唱完個咪都總係濕晒既。   小JM自的陶醉地播歌中。。。（有時仲會左右搖擺咁跳舞，或者扭下Pat仔） 嗱嗱嗱！又食咪啦！不過呢個係小JM既歌唱Style。我唔係好明點解要咁樣來發聲。   而本書仔呢，小JM都會自己掀來睇， 不過好明顯就係緊睇圖畫啦！ 等你大個啲個陣可能你就會知道可以跟住唱。   隨左聽歌、唱歌之外， 原來附設既書係有一版介紹每首歌既重點單字架！ 媽媽們又可以跟住來教小B，真係一舉幾得！得左！ 從生活中教小B學習簡易字詞比起從字卡學習會來得容易， 就以"Clap"一詞為例， 媽媽可以邊唱邊拍手（當然係跟歌詞啦！） 引導小B學習拍手，從而引伸教小B "Clap Hand"代表拍手 中、英文也好，都可以慢慢引導學習。 將學習融入生活。       ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）