相信認識小JM媽媽既朋友仔都知道上星期剛剛發生左一件事， 小JM因為工人姐姐疏忽照顧而導致口部撞及矮身木鞋櫃一事。   就小JM撞傷一事， 媽媽係覺得十分心痛、自責，同時亦覺得好嬲。   心痛 是必然既， 試問有邊個媽媽知道自己小B整親會唔心痛先得架， 簡直就係心如刀割添啦！   自責 只因為媽媽覺得自己沒有能力去保護小JM。 如果時間許可既話，媽媽會想陪在小JM身邊既係自己， 而不是工人姐姐。   嬲怒 因為工人姐姐自私既行經而造成小JM既受傷， 而受傷後亦無意識要為小B檢查， 沒檢查也算， 但竟然最先是俾水及奶咀小B， 只係一心想小JM停止哭鬧。 可惜小JM就越哭越大聲。 小JM受傷後工人姐姐亦無通知我或者爸爸。 等到夜晚家人上來食飯先發現原來成個咀腫左。 （第二朝仲變到好似電視劇打架情節咁，表面咀角瘀青晒。）    所以今次小JM媽媽要同大家分享一下點樣處理小B們既家居安全問題。   小B們仲細個陣未識爬未識走， 要睇住就好容易， 但當小B們學懂轉身、爬行、繼而走路之後， 型爸靚媽們就要格外留神了， 小B們會因為「好奇心」驅使而周圍不停探索， 因而會令到受傷既機會增加。   小JM而家正值探索期，又剛剛開始學識步行， 自然會對身邊各樣視物產生興趣， 而正正因為呢個原因，亦好容易會撞傷、跌傷之類。   到底小B們遇上家居陷井而受到哪些傷害呢？ 就等我地一齊來了解一下。。。   小B們最容易遇上既。受傷情況。及。應對方法。！     撞傷     我諗撞傷既機率應該係比較高吧！     因為小B們已經學懂走路，也會周不時爬高爬低，     所以好容易會出現撞傷、跌傷既情況。          就小JM今次而言，於正常情況下必須要先為小B檢查清楚，     因為必須要知道小B們既身體比較脆弱一啲，     骨骼仲未完全成熟，     所以當小B們撞到、跌到都必須檢查清楚！     爸媽們要清楚了解小B撞及甚麼，     也要了解一下小B有無撞及頭部。       爸媽如果唔清楚既話，就須要觀察及留意小B有無出現嘔吐及活動力下降既情況，     如果有就必須帶小B去睇醫生或者睇急症啦！       應對方法：     小B們如果撞傷並出現瘀青／瘀血的話，     可以先用「冷敷」方式，即以冰敷。     為小B以冰敷撞傷既部位，每次約十分鐘左右。     如果撞及既地方皮膚比較幼嫩、敏感既話，     建議可將毛巾濕水冷凍後再敷，以減低不適既感覺。          錯誤方法：     上一代既爸媽既處理方式多數是幫小B將瘀血揉開，     但其實呢個方法係錯架！     因為岩岩撞及既傷口如果用力揉既話會有機會令傷口既皮下出血情況加劇，     疼青既情況會越變嚴重架！       如果要揉，可能就要隔至少24小時，並且要係「熱敷」之後先可以。     但每次熱敷都不適宜敷太耐，每次以唔超過十五分鐘左限！       如果見到小B既傷口幾都有遲遲未散瘀，     而且變得又紅又腫既話，     就必須要求醫，等醫生檢查一下係咪傷到骨啦！            擦傷     擦傷都係比較常見，但情況通常不算嚴重。     始終小B們都係比較好動，所以會出現呢類型既小傷口也不足為奇。       應對方法：     爸媽可以幫小B們做一般既簡單護理就可以，只要清潔及消毒傷口就可以啦！       當然，如果傷口上有碎石、沙泥或玻璃既話，     爸媽就可能要帶小B去見醫生或去醫院，     由醫生去為小B清潔發消毒傷口啦！       割傷 / ????傷     有時候小B可能因為好奇而觸及到一啲邊緣比較利既東西，     而最常見莫過於「紙張」。     相信爸媽們也有被紙????傷既經驗，係嘛？     感覺好痛係嘛？有時亦會????得好深添！          應對方法：     如果小B們俾東西????傷，爸媽們可以先替小B們檢查傷口，     若傷口只係好輕微，就可以作簡單護理就可以了；      但如果傷口比較深或長的話，就要去見醫生。     因為一但傷口有殘餘物係入面既話，會好易造成感染架！       燙傷     燙傷既嚴重性真係比前幾種家居傷害高。     更有機會令小B留下一生既疤痕。     所以盡可能將小B與廚房隔離，千萬不要讓小B進入「廚房」呢個危機四伏既地方！          應對方法：     輕微燙傷，會造成表皮紅腫，可以即時沖冷水以降溫，減少痛楚感覺，再行求醫。     但嚴重燙傷既話，表皮有機會會出現水泡，     甚至會令皮膚既深層組織壞死，盡可能盡早求醫。     如皮膚出現水泡的話，以不阻礙行動為大前提，就唔需要將水泡桔穿。     因為水泡稍後亦會被吸收，而消失。     而水泡不幸整穿左既話就要記得消毒一下，     以免造成細菌感染。     如果有醫生處方既藥水或藥膏亦可塗上喔！     SOS！必須立刻求醫既情況 如果小B們因為受傷而出現以下情況或傷口， 就必須立刻去見醫生或到就近醫院， 以免錯過最佳既治理時間。   －    傷口持續出血 －    傷口面積大或深，有需要鏠合傷口 －    傷口內有殘餘物，如：玻璃碎之類 －    傷口被動物所咬而引致 －    傷口出現腫痛甚至影響到活動能力   一般傷口護理程序： 1.）    檢查傷勢     要先檢查一下傷勢，以初步確定傷口既嚴重性及情況     若傷口只屬一般小傷口或只是皮外傷，     爸媽可以自行為小B進行護理，     但若然傷口較大，則建議去見醫生或醫院。   2.）    清潔傷口     確定傷勢無大礙後，爸媽可以為小B先作初步清潔傷口     可以使用已經煮好既熟水或生理鹽水為小B洗傷口     以避免感染細菌。   3.）替傷口止血     就一般傷口而言，可以使用潔淨既紗布係傷口上輕輕按住，     約十分鐘左右就可以止血   4.）    消毒傷口     確定傷口已經止血後就可以進行消毒。     可以用藥棉或棉棒沾上碘伏以消毒。   5.）    貼膠布／ 簡直包紮傷口     完成消毒程序即可為傷口貼上膠布或包紮，以免傷口再度受感染。     最後，都係要奉勸大家一句，要小心家居安全， 要把家中危險既野全部都收妥當， 以免小B們拎來當玩具喔！   就小JM受傷一事，我地已經翻睇過閉路電視， 也查證左係姐姐既失當， 所以我地亦向姐姐發出左一封警告信， 希望姐姐能夠明白事件既嚴重性， 同時亦唔希望會有類似既事情發生。   事已至此，我地亦再三強調姐姐不應因為自己想訓覺而強逼小JM， 如果姐姐真係挨唔住齋戒期，就應該即時進食， 以降低任何出事既風險。     ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）