話說係菠蘿油王子兩個幾月大既時候 有日訓醒發現俾隻衰蚊針左6粒,又紅又腫 由於太細關係,唔知有乜可以搽 於是爬文搵下相關資訊同埋睇下有咩方法防蚊咁啦!   咁先發現原來好多媽媽都會落手落腳,自家製金盞花膏 全天然成份,用得安心之餘又唔會有化學野破壞環境 所以皇后我都用左唔少時間去研究點整 終於係6月尾買齊所需材料 可以開始「菠蘿油皇后之DIY工作坊」,哈哈   由於第一次整,唔記得每做一個step都影張相記錄下 唯有下次再整時補番D相啦!       1. 準備好所需物品同材料     [有機金盞花乾,有機初榨橄欖油,玻璃闊口樽]   2. 先將所有用品清洗乾淨,然後以火酒消毒   3. 取出足夠數量金盞花乾,先除掉所有莖部   4. 然後將金盞花乾放入已消毒既玻璃樽內,分量大約為玻璃樽1/3   5. 跟住慢慢倒入橄欖油,金盞花乾同橄欖油比例大約係1:3   6. 封上一層保鮮紙,搖匀一下,確保橄欖油一定要浸過哂所有金盞花乾   7. 最後記得「每日一搖」,令金盞花既成份均勻慢慢滲出   **浸泡時間為2週 ~ 3個月不等,越浸泡得耐,濃度越高咁解啫!