唔知大家結婚嗰時有無用自己張pre wedding相印落餅卡呢？我就緊係無啦，因為怕會係垃圾桶見到自己個樣嘛... :p 不過成為左新手媽媽後，我又好想張薑醋券係獨一無二，因為真係好想記念一下，咁方間都係得鴻福堂有可以印相既薑醋券(自家豬腳薑醋禮卡)，所以5月既BB展就少少地買左50張(折實$38/張)~   由於我都係覺得如果係一張真相，係垃圾桶見到我都係會好無奈~所以我決定係一幅畫！如果係一幅畫又可以畫埋我家2隻貓貓落去~咁就完美~(要知道幫2位貓主人影已經難，仲要連埋蠔豉妹妹就難上加難...) 自問無乜美術天份，畫畫呢件事緊係交俾專業人士 :p 我既要求就係要有家中2位貓主子同新貓奴蠔豉妹妹就ok~ 蠔豉妹妹出世第5日我先將相交俾designer~好彩designer快手，知我趕12朝派，所以好快就起到稿俾我(๑>◡<๑)來回只係改左2、3次啲細位就搞掂晒！係咪好靚呢？   之後拿拿聲upload上鴻福堂個website la~原來薑醋券背面仲有得打下字~所以就寫左少少野~ 由於我之前已經知印刷期要5-7個工作天，所以都預左趕唔切12朝派...點知鴻福堂都好有效率！印刷連出順豐都只係用左3個工作天！係蠔豉妹妹Day 11既時間就收到啦~ 印出黎都真係幾靚，而且換薑醋/雞酒只要撕下左邊就ok~成張卡都可以keep返~當然我唔知有無人想keep la，不過媽媽自high最緊要 :p   如果大家都有興趣整既話，記得唔好太遲俾圖~話晒人地講到明要5-7個工作天嘛~搵designer都要BB未出世前已經溝通好，講好要乜風格，俾晒idea，之後一出世就好俾相人地畫啦 :p   Facebook : 80後的人妻「旅」友  Instagram : https://www.instagram.com/wingring/ 邀稿 : wingring417@gmail.com / wingring@ymail.com